Објавен е големиот BalCannes Report, креативен преглед на регионот – ова се најдобрите огласувачи и агенции на BalCannes!

Деталниот преглед на овогодинешниот регионален натпревар за креативност, наречен BALCANNES МОЗАИК НА КРЕАТИВНОСТА, вклучува голем број регионални рангирања со податоци за најдобрите проекти, огласувачи и агенции во регионот, но и во рамките на земјите натпреварувачи: Босна и Херцеговина, Хрватска, Македонија, Словенија и Србија!

По прогласувањето на победниците на натпреварот BalCannes, кој годинава по прв пат се одржа во рамки на Денови на комуникациите и го постигнаа најголемиот раст во историјата на натпреварот, собирајќи ги на едно место најдобрите од светот на креативноста од пет земји од регионот, важните резултати на овој голем натпревар за креативност беа преточени во еден документ. Агенциите од Босна и Херцеговина, Хрватска, Македонија, Словенија и Србија можеа да се натпреваруваат во богата серија од 13 категории на пазарното делување во кои и онака конкурираат на пазарот за кампањи спроведени во текот на двегодишниот квалификациски период, при што можеа да освојат златна, сребрена или бронзена награда.

р е к л а м а

Важноста на извештајот на BalCannes – освен што креативно го обединува регионот и ја поттикнува здравата конкуренција, размената на знаења и искуства, како и отворањето на регионални хоризонти, со што станува вистински мозаик на креативноста на регионот – лежи токму со тоа што е одлично огледало на актуелните текови на регионалната комуникациска сцена, но и на пазарот, на дури 58 страници.

СОДРЖИНА НА РЕГИОНАЛНИОТ ИЗВЕШТАЈ

Извештајот на BalCannes концептуално е поделен на три дела: првиот се однесува на рангирањето на поединечните проекти, вториот ги рангира огласувачите чии проекти учествувале на натпреварот, додека третиот дел се фокусира на рангирањето на агенциите. Па така, во извештајот се достапни ранг-листи на најдобрите проекти, огласувачи и агенции во регионот, како и  во поединечни земји. Исто така, треба да се истакне дека Извештајот премиерно покажува – првпат со рангирање, а не по азбучен ред – како размислува жирито на огласувачите, како проектите ги оценувале членовите на жирито од редот на агенциите, а дава увид и во ставовите на претставниците на струковните медиуми во жирито.

ПОБЕДНИЦИ НА НАТПРЕВАРОТ BALCANNES 2023

За потсетување, на Денови на комуникациите во Ровињ, Grand Prix награди освоија Pioniri Communications и Metalac за проектот “Metalac x Konstrakta – Umetnica mora jesti kuvano”. Титулата за најдобра агенција од петте земји на BalCannes ја доби агенцијата Bruketa&Žinić&Grey, а најдобри огласувачи беа Radgonske gorice и The Fun&Fit Company. Специјалната Editor’s Pick Award, во изборот на претставници на професионалните медиумите од регионот, отиде во рацете на Radgonske Gorice и агенцијата Bruketa&Žinić&Grey за проектот “Untouched By Light”.

„Да се ​​победи на BalCannes значи да се биде најдобар во нашиот регион. Горди сме и им благодариме на сите наши вработени, клиентите на Radgonske Gorice, Croatia osiguranje и Saponija, како и на почитуваното жири и фестивалот Денови на комуникациите што ни овозможија да ја славиме креативноста. Тоа е единственото нешто што прави разлика во нашата индустрија и тоа никогаш нема да се промени. Само технологиите се менуваат како нови алатки за креативност во служба на пазарниот успех, за што сведочи Brigometar на Croatia osiguranje, еден од нашите наградени проекти“ – истакнува Давор Брукета, генерален креативен директор и копретседател во Bruketa&Žinić&Grey.

Освен деталниот увид во победничките проекти, извештајот открива и многу информации за други проекти кои освоиле златна, сребрена или бронзана награда на натпреварот.

ТОП 15 ПРОЕКТИ НА BALCANNES

Во продолжение погледнете како изгледа рангирањето на проектите кои постигнале највисоки оценки на натпреварот BalCannes 2023. Некои од проектите освоиле ист број поени, па затоа делат исто место во рангирањето:

1. Metalac x Konstrakta – Umetnica mora jesti kuvano / Pioniri Communications / Metalac / Household
2. Beestro / Imago Ogilvy / Franck / Non-alcoholic Beverages
3. Untouched by Light / Bruketa&Žinić&Grey / Radgonske gorice / Alcoholic Beverages
4. The Sweds / Futura DDB / Lesnina MMS / Retail
5. 100% COVID FREE Journey / Studio Sonda / Gradska knjižnica Poreč / Tourism, Culture and Leisure
6. Vote (Glas) / Via Media / Helem nejse / Social Responsibility
7. Brigometar / Bruketa&Žinić&Grey / Croatia osiguranje / Finance and Insurance
8. Villa “Wilderness” / Communis / WWF Adria / Social Responsibility
9. Literally for peanuts. / Why Not / The Fun&Fit Company / Food
   18+ godina sa vama! Polovni automobili / Friday Finally / Polovni automobili / Miscellaneous
10. Domoljubna Žuja / BBDO Zagreb / Zagrebačka pivovara / Alcoholic Beverages
    #volitePipi / Imago Ogilvy / Pipi / Non-alcoholic Beverages
    Nije u redu u uredu / Señor / CESI / Social Responsibility
11. IN CHARGE DURING THE NIGHT / Agencija 101 / Burek Olimpija / Food
12. Otkrij Varteks / Señor / Varteks / Fashion and Beauty
13. Čvarak Dorina / Studio Sonda / Kraš / Food
14. Beestro / Imago Ogilvy / Franck / Social Responsibility
15. (NE)SIGURAN DOM / BBDO Zagreb / IKEA / Household

ТОП 10 ОГЛАСУВАЧИ НА BALCANNES

Во продолжение погледнете како изгледа рангирањето на огласувачите чии проекти постигнаа највисоки оценки на натпреварот BalCannes 2023. Некои од огласувачите освоија ист број поени, така што делат исто место во рангирањето:

1. Radgonske gorice / The Fun&Fit Company
2. Croatia osiguranje
3. Metalac / Jadran Galenski Laboratorij
4. Franck
5. Gradska knjižnica Poreč
6. Lesnina MMS / Helem nejse / Polovni automobili / Varteks
7. Konzum
8. A1 Srbija
9. IKEA / Pipi
10. Zagrebačka pivovara

TOP 10 АГЕНЦИИ НА BALCANNES

Во продолжение погледнете како изгледа рангирањето на агенциите чии проекти постигнаа највисоки оценки на натпреварот BalCannes 2023. Некои од агенциите освоија ист број поени, па затоа делат  исто место во рангирањето:

1. Bruketa&Žinić&Grey
2. Señor
3. Imago Ogilvy
4. Why Not
5. Pioniri Communications
6. Studio Sonda
7. BBDO Zagreb
8. FRIDAY FINALLY / Futura DDB / Utorak / Via Media
9. ZOO agencija
10. Leo Burnett Beograd

ПРИДРУЖЕТЕ СЕ НА МОЗАИКОТ НА КРЕАТИВНОСТА

Без разлика дали сте етаблирана агенција или само што се пробивате на креативната сцена, BalCannes е натпревар каде што можете да им покажете и да им докажете на оние кои не ве познаваат зошто сте вредни. На натреварот може да се достават целосни, интегрирани кампањи и поединечни, уникатни делови во рамките на кампања кои заокружуваат една единствена идеја. Извештајот на BalCannes е одлична можност да дознаете повеќе за креативноста во регионот, како и за критериумите за натпреварување и ставовите на членовите на жирито – и да ја пронајдете вашата победничка формула која догодина ќе ве смести на овие ранг-листи.

Извештајот на BalCannes можете да го симнете на следниот ЛИНК, а повеќе информации за натпреварувањето, кое веќе се спрема за следното издание, можете да најдете на официјалната веб-страница на фестивалот Денови на комуникациите.

р е к л а м а