Објавен новиот BalCannes Report: Креативен преглед на регионот со најдобрите огласувачи и агенции

Деталниот преглед на овогодинешниот регионален натпревар за креативност, наречен „BalCannes Мозаик на креативноста“, опфаќа низа регионални рангирања со податоци за најдобрите проекти, огласувачи и агенции во регионот, но и во рамките на земјите натпреварувачи: Босна и Херцеговина, Хрватска, Македонија, Словенија и Србија.

Откако беа прогласени победниците на натпреварот BalCannes, кој на „Денови на комуникациите“ ги собра најдобрите во креативноста од пет земји во регионот, BalCannes Report 2024 ги собра на едно место важните резултати од овој голем натпревар за креативност. Агенциите од Босна и Херцеговина, Хрватска, Македонија, Словенија и Србија можеа да се натпреваруваат во богата серија од 17 категории во кои вообичаено се натпреваруваат на пазарот, и тоа за кампањи спроведени во текот на двегодишен квалификациски период, со можност за освојување на златна, сребрена или бронзена награда.

Важноста на извештајот на BalCannes – освен што креативно го обединува регионот и поттикнува здрава конкуренција, размена на знаења и искуства, како и отворање на регионални хоризонти, со што станува вистински мозаик на креативноста на регионот – лежи токму со тоа што е одлично огледало на актуелните текови на регионалната комуникациска сцена, но и на пазарот, на дури 47 страници.

ПОБЕДНИЦИ НА НАТПРЕВАРОТ BALCANNES 2024

Да потсетиме, на „Денови на комуникациите“ во Ровињ, главната Grand Prix награда ја освоија агенцијата „Jazavac i Utorak“ и фондацијата Hemofarm за проектот „Najvažniji poziv u životu“. Титулата за најдобра агенција од петте земји на BalCannes ѝ припадна на агенцијата Imago Ogilvy, а фондацијата Hemofarm беше прогласена за најдобар огласувач! Специјалната Editor’s Pick Award, во избор на претставници на професионалните медиуми од регионот, ја добија Studena и агенцијата Imago Ogilvy за проектот „EVERYBODY GUC GUC“.

ТОП 10 ПРОЕКТИ НА BALCANNES

Во продолжение погледнете како изгледа рангирањето на проектите кои постигнале највисоки оценки на натпреварот BalCannes 2024. Некои од проектите освоиле ист број поени, па затоа делат место во рангирањето.

1. „Najvažniji poziv u životu“ / Jazavac i Utorak / Hemofarm fondacija / I. Market Mosaic / Health and Pharmacy
2. „U Bingu sam“ / Via Media / Bingo / I. Market Mosaic / Retail
3. „It’s Time for Your Time“ / Studio Tumpić/Prenc / Franc Arman / I. Market Mosaic / Alcoholic Beverages
4. „PIPI – A TOAST FOR EVERY ROAST“ / Imago Ogilvy / Pipi Beverages / I. Market Mosaic / Non-alcoholic Beverages
5. „Štark – I osmeh je tu“ / Ovation BBDO / Atlantic Grupa / I. Market Mosaic / Food
6. „Lepo je biti kmet“ / Agencija 101 / Ministry of Agriculture, Forestry and Food, Slovenia / I. Market Mosaic / Miscellaneous
   „Najvažniji poziv u životu“ / Jazavac i Utorak / Hemofarm fondacija / II. Positive Change Mosaic / Community Care

7. „THE WHITE BOXES“ / Herman & partnerji / Mercator / I. Market Mosaic / Retail
8. „EVERYBODY GUC GUC“ / Imago Ogilvy / Studena / I. Market Mosaic / Non-alcoholic Beverages
9. „Munchmallow – Sav od igre“ / Žiška / Jaffa Crvenka / I. Market Mosaic / Food
10. „Na dobrom putu“ / McCann Beograd / Beogradska Filharmonija / I. Market Mosaic / Tourism, Culture and Leisure

ТОП 10 ОГЛАСУВАЧИ НА BALCANNES

Во продолжение погледнете како изгледа рангирањето на огласувачите чии проекти постигнаа највисоки оценки на натпреварот BalCannes 2024. Некои од огласувачите освоија ист број на поени, па затоа делат место во рангирањето.

1. Hemofarm fondacija
2. Studena
3. Atlantic Grupa / Beogradska Filharmonija / Bingo / Čistoća Split / Franc Arman / Ministry of Agriculture, Forestry and Food, Slovenia / Pipi Beverages
4. Croatia osiguranje
5. Mercator / RBA – Raiffeisenbank Hrvatska
6. A1 Serbia / Counseling office for Workers / Heineken / Jaffa Crvenka
7. Heineken Hrvatska / Skateistan
8. Burek Olimpija / ePlaneta / One Albania / Terra Hub / UNICEF Srbija
9. Halkbank AD Skopje
10. IKEA / Konzum / TZ Poreč

ТОП 10 АГЕНЦИИ НА BALCANNES

Во продолжение погледнете како изгледа рангирањето на агенциите чии проекти постигнаа највисоки оценки на натпреварот BalCannes 2024. Некои од агенциите освоија ист број поени, па затоа делат место во рангирањето.

1. Imago Ogilvy
2. Jazavac i Utorak
3. Agencija 101
4. Ovation BBDO
5. Bruketa&Žinić&Grey
6. Leo Burnett Belgrade
7. CTA komunikacije / McCann Beograd / Studio Tumpić/Prenc/ Via Media
8. Herman & partnerji
9. Žiška
10. Futura DDB

СОДРЖИНА НА РЕГИОНАЛНИОТ ИЗВЕШТАЈ

Во извештајот се достапни ранг-листи на најдобрите проекти, огласувачи и агенции во регионот, како и рангирање во поединечни земји. Исто така, треба да се истакне дека Извештајот покажува – со рангирање по оценки, а не по азбучен ред – како размислува жирито на огласувачите, како проектите биле оценувани од членовите на жирито од агенциските редови, а дава увид и во ставови на претставниците на професионалните медиумите во жирито. Во поглавјето „BalCannes Hall of Fame“ е даден подетален преглед на проектите што освоија златни, сребрени и бронзени награди, како и специјални BalCannes награди, според категориите на натпреварување.

ПРИДРУЖЕТЕ СЕ НА МОЗАИКОТ НА КРЕАТИВНОСТА

Без разлика дали сте етаблирана агенција или само што се пробивате на креативната сцена, BalCannes е натпревар каде што можете да им покажете и да им докажете на оние кои не ве познаваат зошто сте вредни. На натпреварот може да се пријават целосни, интегрирани кампањи или поединечни, уникатни делови во рамките на некоја кампања кои претставуваат единствена идеја. Извештајот на BalCannes е одлична можност да дознаете повеќе за креативноста во регионот, како и за критериумите на натпреварување и ставовите на членовите на жирито – и да ја пронајдете вашата победничка формула која ќе ве смести на овие рангирања следната година.

Извештајот можете да го преземете на следниот ЛИНК, а повеќе информации за натпреварот, кој веќе се подготвува за следното издание, пронајдете на официјалните страници на „Денови на комуникациите“.

р е к л а м а