Нешто повеќе од еден месец нè дели од петтото издание на NEM Zagreb – настан што прерасна во неизбежна дестинација за телевизиските професионалци од регионот на Централна и Источна Европа и пошироко. Годинава ќе им се придружат и експерти од областа на видео индустријата, технологијата и маркетингот, бидејќи NEM Zagreb влегува во ново поглавје – претворајќи се во спој на креативноста, вештачката интелигенција и маркетингот. Тоа јасно се согледува во новообјавената агенда, која најавува низа релевантни и актуелни теми што нè очекуваат од 8 до 9 декември.
Спој на традиционални и современи теми
NEM Zagreb и оваа година ќе ги обедини водечките фигури од индустријата преку низа поттикнувачки панели кои ќе ги истражат најзначајните прашања на современиот медиумски пејзаж. Од регионалните продуценти што ќе се осврнат на изминатите пет години на промени, до лидерите што ќе расправаат за влијанието на вештачката интелигенција – разговорите ќе опфатат сè: од трансформацијата на огласувањето и вертикалното раскажување, до адаптацијата на формати и глобалните предизвици со кои се соочуваат креативците ширум светот. Секој панел ќе понуди единствена перспектива за тоа како се развива видео индустријата и во кој правец се движи.
Панелите што нè очекуваат во декември се:
- “CEE Producers: Reflections on the Last 5 Years”
- “Leaders on AI: Opportunities and Challenges”
- “Video Ads: Linear TV vs. TikTok, Meta and YouTube on TV”
- “Original TV Series Formats and Adaptations”
- “The Vertical Revolution: Micro-drama”
- “Creatives, It’s Not Hard Only in Your Country!”
Инспирација за видео креаторите преку креативност, вештачка интелигенција и маркетинг
Централната тема на овогодишното издание е меѓусебната поврзаност на креативноста, вештачката интелигенција и маркетингот, што ќе се истражува преку мастеркласи, презентации и Q&A сесии. Сами Арпа, основач и извршен директор на компанијата Largo.ai, ќе одржи мастерклас “AI as the New Creative Partner in Video Creation”, во кој ќе покаже како вештачката интелигенција може да ја унапреди креативноста во сите фази – од развој до дистрибуција – преку алатки како text-to-video технологија, симулирани фокус-групи и предиктивни увиди во публиката.
Далибор Шумига, експерт за невромаркетинг и потрошувачка психологија, во својата презентација “Inception: The Art of Planting Ideas” ќе открие како маркетингот ја обликува свеста и однесувањето на потрошувачите.
Во Q&A сесијата “A Band for a Brand”, повеќекратно наградуваниот композитор Џон Алтман (Emmy, Golden Globe, BAFTA) ќе го сподели своето богато искуство од создавање музика за повеќе од 4000 реклами на најпознатите светски брендови.
Додека Алтман ќе го истражува светот на музиката во служба на брендовите, Кентон Ален, извршен директор на Big Talk Studios, ќе навлезе во еднакво комплексниот свет на продукцијата на номинираната за Emmy серија “Ludwig”, во Q&A сесијата “Ludwig: The Puzzling World of Producing”.
Посебна Q&A сесија со Дариуш Јаблонски ќе го открие враќањето на легендарната криминалистичка серија “GLINA” во ново издание, создадена во копродукција со Apple Film Production, SkyShowtime и TVP, под наслов “GLINA: A New Chapter. The Return of a Legend in a New Era”.
Ќе се одржи и Q&A сесија со A1 International Business и UniqCast, во која ќе учествуваат Дарко Робич, извршен директор на UniqCast, и Елена Петрова, раководителка на групен контент во A1 International Business.
Презентации за трендовите што ја обликуваат видео индустријата
Програмата вклучува и низа презентации посветени на спојот на традиционалната телевизија и дигиталните видео платформи, како “From Broadcast to Algorithm: Why Every TV Station Needs a YouTube Strategy” на Александар Ашковиќ, експерт за YouTube SEO и стратегија, и “Distribution Strategies when TV meets YouTube” на Гај Бисон, извршен директор и коосновач на Ampere Analysis.
Ашковиќ ќе покаже како паметниот YouTube SEO и storytelling му помогнале на брендовите како Sport Klub и EuroLeague во борбата за вниманието на публиката, додека Бисон ќе анализира како телевизиските куќи и сопствениците на содржини се насочуваат кон YouTube за проширување на публиката – но со многу различни економски резултати.
Додека фокусот се префрла од дистрибуција кон иновации, темата се насочува кон тоа како вештачката интелигенција ја менува индустријата. Презентацијата “Revolutionizing Streaming: AI & New Monetization Innovations” на компанијата Harmonic ќе истражи како вештачката интелигенција го поттикнува ангажманот на гледачите и отвора нови извори на приходи за телевизиски куќи, спортски лиги и креатори на содржини.
Презентацијата “Europe’s Creative Sovereignty in the Age of AI” на организацијата EIT Culture & Creativity ќе покаже како EIT гради современи дигитални инфраструктури и етички AI екосистеми кои ги зајакнуваат креативците, поттикнуваат иновации и обезбедуваат Европа да ги поседува темелите на својата креативна иднина.
Во презентацијата “Slick & Quick: How CEE Countries Differ on Netflix”, Лир-Мартин Лемкау, основач на Slick Strategy, ќе го претстави односот на публиката во регионот на Централна и Источна Европа кон Netflix.
NEM Zagreb продолжува да биде клучна платформа за промоција на локални таленти и афирмација на хрватските творци на меѓународната сцена. Презентациите “Croatian Creativity with International Potential”, во организација на HDNP и SPID, како и “Future Projects from Croatia” во режија на HDNP, ќе ја претстават извонредната домашна креативност, славејќи ги актуелните успеси и идните проекти.
Потоа следува презентацијата на компанијата stYpe, добитник на Engineering, Science & Technology Emmy Award, специјализирана за виртуелна продукција и следење на камера, објекти и таленти. Јосип Чајиќ, Solution Architect во stYpe, ќе ја одржи презентацијата “Real-Time Virtual Production by stYpe”.
Божиќна забава и можности за поврзување
Воведниот коктел во организација на A1 International Business и утринската пауза за кафе ќе бидат совршени прилики за дружење и вмрежување во првиот ден на NEM Zagreb 2025. Вториот ден учесниците ги очекува ручек во организација на HAVC, а настанот ќе заврши со традиционалната божиќна забава, која оваа година ја спонзорира Pickbox – вистинска прослава на уште една успешна година.
Целосната агенда на настанот може да се разгледа на следниот ЛИНК.
