Првите 3 места остануваат исти: Милка, Кока Кола и Вегета. Следат Цедевита, Смоки и Аргета, брендовите на Атлантик група, па Орбит, Кокта и Нивеа. Две вести се најинтересни: продолжува растот на српските брендови, конкретно Смоки и Плазма, тренд кој за прв пат е забележан во 2013 година и повторен раст на Јана, која влезе во топ 10
Од листата може да се препознае одредено „правило“ по кое некој бренд може да го најде своето место на VALICON TOP 25 регионалната листа на брендови. Се работи за брендови присутни во петте најголеми пазари во регионот. На тој начин тешко можеме да пронајдеме некој од локалните брендови на листата на најмоќните, во оние категории за кои е значајно тие да доминираат токму како национални брендови, како што е категоријата пиво, кафе, минерална вода, млечни производи, сладолед….
Исто така, тешко ќе пронајдеме брендови кои се наоѓаат во категории кои немаат голема раширеност, како цигари, строго женски и машки производи или брендови од премиум сегментот. Причините за „преместувањето“ по листи, исто така можеме да ги бараме во растот или падот на категоријата. Некои категории имаат помалку, а некои повеќе изразени лидери. Најтешка задача секогаш имаат брендовите во олиголистичките категории, на пример во категоријата -пива.
Активната присутност на најголемиот српски пазар е предуслов за влез на VALICON TOP 25 регионалната листа. Поради големината на националниот пазар, српските брендови имаат одредена предност пред останатите. Предноста е дури двојна – од една страна влијанието на големината на пазарот, а од друга страна сеуште неприсутноста на дисконтните трговци и лошиот развој на приватните трговски марки во толкава мера, како на пример на пазарите во Хрватска и Словенија.
Постојат шест главни фактори кои влијаат на креирањето на позицијата на одредени брендови.
- Прв е пазарот кој го набљудуваме од аспект на развојот на трговијата, приватните трговски марки, развојот на самите категории. На големината на брендот, најмногу влијаат промените на домашниот пазар и во Србија како најголем пазар.
- Треба де се имаат во предвид и активностите на конкуренцијата.
- Покрај сето тоа, важно е и да се следат и трендовите кои влијаат на влегувањето и фреквенцијата на конзумацијата на категориите и подкатегориите. На пример, трендот на здравје, трендот на штедење, трендот на (не) излегување надвор, трендот на важноста на вредноста…
- Секако, тука се и сопствените активности на производителите, односно брендот кој го набљудуваме
- Тука е и одлуката поврзана со портфолиото на брендовите. Во процесот на консолидација на категориите, производителите располагаат со многу брендови различно моќни во земјите. Стратешката одлука за развој на еден силен регионален бренд е услов за појавување на VALICON TOP 25 листата.
- Во последно време, многу е важен односот спрема таканаречените b-брендови. Станува збор за помалку стратешки брендови кои поради ниската куповна моќ, нивните сопственици ценовно ги позиционирале пониско, но и понатаму со вложување во нивниот маркетинг и продажба. Такви примери има се повеќе: први беа пиварите Löwenbräu и Holsten во регионот, С кафето и Bonito во Србија, Rex во детергентите…. Кога компанијата се одлучи за портфолио кое го сочинуваат b-брендовите, тоа секогаш негативно влијае на моќта на главниот бренд. Канибализацијата секогаш се случува.
Кога ќе ги погледнеме сите фактори, влегувањето на одреден бренд на VALICON TOP 25 листата е големо признание за храбрата одлука на ставање фокус на одредени брендови, уште повеќе во ова време кога сите тие брендови, на некој начин, се главен извор на раст на сите играчи во категориите. Моќта на брендот се пресметува на основа на препознатливоста, искуството и користењето на истиот. Брендот е дефиниран како потрошувачки бренд заедно со екстензиите кои се користат за производот внатре во поединечните категории.
Понатаму, ако истиот бренд се употребува во различни категории, на пример Милка во категоријата чоколада и Милка во категоријата кекси, моќта на брендот Милка не се смета заеднички за сите категории во кои се наоѓа, туку посебно за секоја категорија.
Истражувањето беше спроведено во септември и октомври 2015 на примерок од n=1000 до 1500 по земја. Резултатите се претставени на начин кој гарантира репрезентативност за подрачјето на цела поранешна Југославија, без Црна Гора и Косово. Значи, моќта на брендот во Словенија допринесува за моќта на брендот во целиот регион половина колку што допринесува еднакво моќен бренд во Хрватска, на пример, која е два пати поголема. Методолошкиот пристап е “mix-mode” компјутерски потпомогнато со анкетирање кое вклучува репрезентативно веб и дополнително теренско анкетирање на популцијата без итернет.
–
VALICON е една од водечките агенции за советување и испитувањена пазарот на подрачјето на регионот на југоисточна Европа, со посебен фокус на земјите на поранешна Југославија. VALICON е специјализиран за мали пазари,прилагодени решенија, современа методологија и блиска соработка со клиентите. VALICON ги следи најголемите регионални играчи од различни индустрии, собирајќи толку екстензивен увид во регионот.
