Словенечката огласувачка комора ја објави прелиминарната програма за претстојното 30. издание на меѓународниот огласувачки фестивал Golden Drum, кое треба да се одржи на 9 и 10 октомври во Порторож, Словенија.
Стекнувањето со „Комплетна фестивалска пропусница“ овозможува учество во активности предвидени за двата фестивалски денови.
По пристигнувањето на местото на настанот и регистрацијата на учеството, ќе следува турнеја на ближниот историски град Пиран, организирана од Туристичкото биро на Порторож. Турнејата ќе вклучува прекрасни панорамски погледи и разни гурмански задоволства. Првиот ден ќе биде комплетиран со „Забава за загревање“ во локалот News Café Bernardin во Порторож, организирана од Radio Capris.
Вториот ден во 10 часот почнува работниот дел на фестивалот, со гостински предавања и дискусии на кои учесниците ќе се здобијат со увиди и сознанија за најновите трендови во креативната индустрија. Разгледајте ја листата на предавачи на следниот ЛИНК.
Загревањето за наградната церемонија ќе започне со „Рецепцијата на победниците“ закажана за 19 часот, а потоа од 20 часот ќе започне доделувањето на овогодинешните награди на Golden Drum. Наградната церемони е поддржана од Mastercard.
Прославата на креативноста ќе продолжи со „Забавата на златните ѕвезди“ во Caffe Teater во Пиран, со што ќе заврши официјалната програма на фестивалот.
Прелиминарната програма на фестивалот може подетално да се разгледа на следниот ЛИНК.
