Додека фестивалот Golden Drum го одбележува своето 31. издание, годинешната програма ветува навистина извонредно искуство. Учесниците можат да очекуваат инспиративен спој на предавања што поттикнуваат на размислување, стимулирачки дебати и енергична размена на идеи, кои ја претставуваат суштината на меѓународната креативна индустрија. На сцената ќе се претстават светски реномирани експерти, носејќи единствени согледувања и свежи перспективи со цел да ја разгорат инспирацијата кај сите присутни.
ВО ЖИВО, ПОМЕЃУ 13 И 14 ОКТОМВРИ ВО ПОРТОРОЖ, СЛОВЕНИЈА
Комплетната пропусница нуди пристап до сите фестивалски настани. Таа ги вклучува и забавата за отворање (Kick-Off Party), поддржана од Radio Capris, Merit HP и Tikveš, на 13 октомври во News Café Bernardin, која ќе ја постави атмосферата за овој јубилеен настан.
На 14 октомври, посетителите ќе имаат пристап до фестивалските сесии. Тие ќе претстават импресивна листа на говорници и претседатели на жирито, кои ќе го споделат своето знаење во широкиот спектар на креативноста. Врвот на фестивалот ќе биде долгоочекуваната церемонија на доделување награди, поддржана од Mastercard, по која ќе следи завршната забава – „The Seaside Send-Off Party“, поддржано од Schweppes во Caffe Teater, Пиран, со диџеј Алекс Ди Грув – совршена можност за прославување на креативноста и заокружување на фестивалот во живописна атмосфера.
СВЕТСКИ ПРЕПОЗНАТЛИВИ ГОВОРНИЦИ ВО ПОРТОРОЖ
- Џо-ен Робертсон, извршна директорка за глобални пазари во Ketchum, која ги надгледува меѓународните пазари и интеграцијата на вештачка интелигенција, ќе биде претседател на жирито за Creative Media Excellence на Golden Drum 2025. Во своето предавање „Compassion, Conviction, and How Brands Stay Authentic in a Polarised World“, таа ќе истражи како брендовите можат да останат автентични, кога молкот е злато и зошто сочувството и уверувањето имаат голема вредност во предизвикувачки времиња.
- Џон Мескал, глобален главен креативен партнер во Dentsu Creative, наградуван креативен лидер со над 100 награди на Cannes Lions, меѓу кои осум Grand Prix, ќе зборува на тема „Certainty vs Creativity“. Тој ќе ја разгледа постојаната битка помеѓу илузијата на сигурноста и моќта на креативноста, објаснувајќи зошто одбраната на креативноста е поважна од кога било.
- Ентони Челванатан, глобален креативен партнер и CCO во Edelman Канада, со повеќе од 500 меѓународни награди, меѓу кои злато и сребро на Cannes Lions, ќе биде претседател на жирито за Creative Business Excellence. Во своето предавање „Grit Happens: How Surviving Chaos Taught Me to Thrive in Creativity“ ќе сподели лекции од својата кариера, истакнувајќи како истрајноста, упорноста и отпорноста – обликувани од неговото бегство од војната – го воделе кон најуспешните креативни дела.
- Каталин Добре, ко-генерален директор и CCO на McCann Worldgroup Романија и регионален креативен директор на McCann CEE, ќе ја сподели сцената со Ислам Ел Десуки, глобален потпретседател за креативност во Coca-Cola, движечка сила зад некои од најуспешните и наградувани кампањи на брендот.
- Војтех Кубрихт, маркетинг менаџер во Nestlé CEE, и Џејк Бароу, CCO во VML Чешка, ќе зборуваат на тема „F*ck Being Brave. Let’s Start Being Confident“, прикажувајќи како самодовербата, повеќе отколку храброста, ја движи вистински ефективната и наградувана работа, како што е нивната кампања Phone Break, добитник на Grand Prix на Cannes Lions.
- Џулија Нојман, главен креативен директор и партнер во Le Truc во Њујорк, ќе биде претседател на жирито за Craft. Во своето предавање „The Last Honest Differentiator: Why Craft Still Kicks AI’s Ass“, таа ќе покаже зошто автентичниот занает – заснован на човечка проценка, ризик и емоција – останува клучен за создавање дела што се незаборавни и навистина ефективни во добата на вештачка интелигенција.
- Калвин Инес, генерален менаџер и креативен директор на JvM NERD London, кој има работено со глобални брендови како Sony, Cadbury’s и Universal Studios, ќе биде претседател на One-Channel Jury. Во своето предавање „Fanpower: How Fandoms Became the Most Valuable Media Channel“, тој ќе објасни како феноменот на фандомите – од K-pop и аниме до гејминг, спорт и улична култура – го обликува трендот, ја движи културата и создава вистинско економско влијание, и зошто брендовите мора да научат да се поврзат со нив на автентичен начин.
- Пол Стрингер, главен уредник за истражување и увид во WARC, ќе зборува на тема „Creativity with Impact: Three Effectiveness Trends Behind This Year’s Most-Awarded Campaigns“. Тој ќе ги претстави клучните трендови што моментално ја обликуваат маркетинг сцената, преку податоци и анализи ќе покаже како водечките брендови користат медиумски, стратешки и ефективни можности за да испорачаат кампањи кои се и креативни и мерливо успешни.
- Марчин Сосински, CCO на Dentsu Creative Полска и CEE, еден од најнаградуваните креативци во регионот, ќе биде одликуван со влез во Куќата на славните на Golden Drum 2025. Во своето предавање „Creative Legends and Fresh Blood“ ќе ја раскаже својата креативна приказна, споделувајќи согледувања и искуства од кариера посветена на кампањи што го движат светот.
- Програмата „Creative Legends and Fresh Blood“ потоа ќе ја сврти перспективата кон иднината, со учество на Алексис Чампа, извршен креативен директор, Џесика Клар, потпретседателка за маркетинг комуникации во Mastercard Централна Европа, и победникот на овогодинешниот натпревар Young Drummers, поддржан од Mastercard. Овој сегмент ќе ја прослави новата генерација таленти и ќе ја истакне креативната храброст и иновација што ја носат младите гласови.
- Јулијан Болдинг, основач и CEO на thenetworkone, ќе модерира панел-дискусија „How well do you know me?“, за односот клиент–агенција. Ќе му се придружат Џени Ихатсу, потпретседателка за бренд и маркетинг во Posti Group (Финска), Илка Руотсалаинен, основач и CCO на IVALО Creative Agency (Финска), како и Гиорги Контуадзе од Kraken и Гиви Гветадзе, CEO на Subway, Wendy’s и Dunkin’ (Грузија).
- Дневната програма ќе ја заокружи Фреди Ост, основач и бренд директор на Snask (Стокхолм), познат по својата смела и неконвенционална креативност. Во своето предавање „Make Enemies & Gain Fans – The Importance of Branding in a Digital Era“, тој ќе покаже како се гради моќен бренд во дигиталното доба преку хумор, храброст и автентично раскажување.
МЛАДИ ТАПАНАРИ – НАТПРЕВАР ОТВОРЕН ДО 22 СЕПТЕМВРИ
Сите млади креативци под 30 години од целиот свет се поканети да ги покажат своите вештини на Young Drummers Competition 2025, кој се организира во соработка со Mastercard Словенија.
Годинашната задача е насловена „Jump into a World Where Everybody Belongs“ и бара најкреативна идеја и плакат/серија плакати.
Победникот ќе добие парична награда од 1.000 евра и бесплатна делегатска пропусница за присуство на 31. издание на фестивалот Golden Drum. Сите автори што ќе влезат во потесен избор ќе добијат бесплатна пропусница за фестивалот.
Крајниот рок за испраќање пријави е 22 септември 2025 година.
Повеќе за натпреварот за млади креативци можете да дознаете на следниот линк.
КЛУЧНИ ИНФОРМАЦИИ ЗА ФЕСТИВАЛОТ
- Датум и место на фестивалот: 13 – 14 октомври 2025, Grand Hotel Bernardin, Порторож, Словенија
- Објавување на финалисти: 30 септември 2025 во 08:00 CET
- Доделување на бронзени и сребрени награди: 14 октомври 2025 во 12:40 CET
- Церемонија на доделување награди: 14 октомври 2025 во 20:00 CET
- Пријавување: https://engine.goldendrum.com/
- Котизација за натпреварувачкиот дел: https://goldendrum.com/competition/competition-fees-payment/one-channel-drum-prices
- Влезници: https://goldendrum.com/attend/delegate-fees
