Објавени финалистите на NEM Awards 2025

Победниците во двете категории „Најдобри предразвојни ТВ серии во Европа поддржано од HAVC“ и „Најдобри завршени ТВ серии во Централна и Источна Европа“ ќе бидат прогласени на свечената церемонија на 9 декември.

Организаторите на NEM Zagreb го открија целосниот список на финалисти за наградите NEM Awards 2025 – платформа што им ги отвора вратите на нови и постојни телевизиски проекти од регионот на Централна и Источна Европа, поттикнува копродукција меѓу земјите од регионот и ја унапредува соработката меѓу држави со различни продукциски капацитети.

р е к л а м а

Категоријата „Најдобри предразвојни ТВ серии во Европа поддржано од HAVC“ ги слави ветувачките телевизиски проекти кои сè уште се во рана фаза на развој. Таа претставува можност за сценаристите и креативците да ги претстават своите идеи и да се поврзат со професионалци од индустријата кои можат да помогнат во остварувањето на нивната визија. Оваа платформа ја спојува имагинацијата со можностите, претворајќи ги концептите во потенцијална продукција.

До финалето стигнаа следниве проекти:

1. Acting All Around
2. Big Feelings
3. Bryari
4. Gray Divorce
5. In Nomine Patris
6. Sal e’s
7. Second Chance
8. Snow Peaks
9. The Boy Who Could Listen to the Soil
10. The Suffering of Young Hana

Наградната категорија „Најдобри завршени ТВ серии во Централна и Источна Европа“ ја слави извонредноста во раскажувањето приказни, оддавајќи признание на целосно завршени телевизиски серии од Централна и Источна Европа што оставиле силен впечаток. Според оценката на независното жири, чиј членови доаѓаат од земји надвор од регионот на Централна и Источна Европа, финалисти се следниве проекти од регионот:

1. TVN Warner Bros Discovery – A Decent Man
2. ZDF Studios / Zolba Production – Detective Von Fock
3. Real Grupa / HRT – Diary of a Schlager Singer
4. Telewizja Polska (TVP) – Drelich
5. Radio Television of Serbia / This&That / Agitprop – Operation Sabre
6. TS Media powered by Telekom Srbija – Pasjaca
7. RTV Slovenia – That’s Life
8. vATM Group S.A. – The Breslau Murders
9. Hellenic Broadcasting Corporation SA (E.R.T. SA) – The Child
10. Czech Television – The Offspring
11. TV NOVA / Oneplay – What Haunts Us

Повеќе информации се достапни на официјалната веб-страница NEM ZAGREB 2025.

р е к л а м а