Врз основа на резултатите на Effie натпреварувањето во претходната 2018 година, Effie Index ја објави листата на најефикасните светски маркетери, а на ранг-листата се најдоа и хрватски агенции и компании.
Прогласени се најефикасните агенции и компании на светот, според резултатите на Effie Index 2019, кој ја мери ефикасноста и се темели врз основа на минатогодишните резултати од натпреварувањето Effie. Најефикасен бренд на светот е Coca Cola, додека Unilever е најефикасен светски огласувач, а на прво место меѓу агенциите се најде колумбиската агенција Sancho BBDO.
На листата се најдоа и најефикасните маркетери во Хрватска според резултатите на натпреварувањето Effie Croatia кои минатата 2018 година се наградени на фестивалот Денови на комуникации во Ровињ. Титулата на најефикасен бренд во Хрватска му припадна на Ожујско пиво, а Molson Coors е најефикасен огласувач. BBDO Загреб е најефикасна агенција, BBDO Worldwide е најефикасна агенциска мрежа, WPP најефикасна групација, додека Señor е најефикасна независна агенција врз основа на резултатите од 2018 година.
На ранг листите на Effie Index-от како најефикасни во маркетинг комуникациите, според резултатите на натпреварувањето Effie Croatia 2018, се најдоа:
- Ožujsko pivo, Bruffen Effect, PIPI, Karlovačko, Stari lisac, Tele2, Addiko Bank, Croatia osiguranje, Iskon, Argeta, bonbon, Coca-Cola, Erste&Steiermärkische Bank, Huawei, Искрени вина Matković, Zagrebačka banka во категоријата најефикасни брендови
- Molson Coors, Heineken, Dalmacijavino Split, Mylan, Deutsche Telekom, Tele2, Addiko Bank AG, Adris grupa, Atlantic Grupa, Erste Group, HUAWEI, OPG Josip Matković, The Coca-Cola Company, UniCredit во категоријата најефикасни огласувачи
- BBDO Zagreb, Señor, Universal McCann, Bruketa&Žinić&Grey, Imago, Degordian, Pragma komunikacije, Produkcijska kuća Centralna jedinica, Publicis, Starcom, 404 agency, Advans, Brigada, Jedinica i nula, McCann Zagreb, Pro Media Group, Media Polis, Luna\TBWA, MediaCom, Millenium promocija, Publicis One, Švicarska, Kreativna rješenja, Helvetika komunikacije, Wavemaker, Agencija 101, DDB&tribal, Organizacija, Valicon Ljubljana во категоријата најефикасни агенции
- Señor, Degordian, Pragma komunikacije, Produkcijska kuća: Centralna jedinica, 404 agency, Advans, Jedinica i nula, Pro Media Group, Media Polis, Millenium promocija, Švicarska, Kreativna rješenja, Helvetika komunikacije, Agencija 101, Organizacija, Valicon Ljubljana во категоријата најефикасни независни агенции
- BBDO Worldwide, UM, Grey Group, Ogilvy, Degordian, Publicis, Starcom, McCann Worldgroup, Pro Media Group, MediaCom, TBWA \ Worldwide, Wavemaker, DDB Worldwide во категоријата најефикасни агенциски мрежи
- WPP, Omnicom, Interpublic (IPG), Publicis Groupe во категоријата најефикасни групации.
“И покрај брзината на промените што ги доживуваме како индустрија, ефикасноста останува во средиштето на сите бизнис цели”, изјави Траки Алфрод, извршен директор на Effie Worldwide, непрофитна организација која се залага за делотворност на маркетинг комуникациите, ги истакнува ефективните маркетинг идеи и поттикнува внимателен и промислен дијалог на двигателите на маркетинг ефикасноста. “Најдобро рангираните на овогодинешниот Effie Index постигнаа одлични резултати во однос на предизвикувачките бизнис цели и продолжуваат да го подигнуваат глобалниот златен стандард на маркетинг ефикасноста. Затоа, во име на Effie Worldwide, им честитам на тимовите ширум светот за ова достигнување”, заклучува Алфорд.
Проектите од Хрватска се се` поуспешни и може да застанат рамо до рамо со најдобрите светски кампањи, па е одлично што хрватските експерти на натпреварувањето Croatia Effie 2018 добија шанса да бидат признати на светско ниво. Во текот на десетте години на одржување на хрватското издание на ова натпреварување забележан е континуиран пораст на квалитетот – што е, секако, најдобар ветер во грб на учесниците и во иднина да даваат се` од себе, а дека нивните резултати ќе бидат наградени со Effie статуетки и глобални признанија.
Од 1968 година, освојувањето на Effie награди претставува симбол за глобален успех – Effie е централна маркетинг-бизнис иницијатива во Хрватска и светот која ја промовира неизбежната поврзаност помеѓу маркетинг активностите и деловните резултати. Наградите Croatia Effie, во организација на HURA, веќе десеттата година се доделуваат на најдобрите агенции и огласувачи за извонредно деловно комуницирање во областа на креативноста, стратегијата и постигнатите резултати.
Повеќе информации за натпреварувањето Effie Croatia пронајдете на www.effie.hr.
За Effie Index-от дознајте на www.effieindex.com.
