Водечката асоцијација за дигитално огласување во Европа, IAB Europe, со задоволство ги соопшти победниците на долго очекуваните MIXX Awards Europe 2024. Оваа година, натпреварот уште еднаш ги препозна најдобрите во областа на дигиталното огласување во цела Европа, наградувајќи ги извонредните кампањи произведени од нашата индустрија.
Под водство на Еди Адеџи, глобален раководител за трговија и инвестиции и управен партнер на PMX Investments во Publicis, ригорозниот процес на евалуација вклучи голем број истакнати експерти од меѓународни организации, вклучувајќи ги Publicis, UM, TikTok, Bauer Media, GroupM Nexus, Samsung Ads Europe, Coca-Cola, Good-Loop, Meta, Amazon Ads, PubMatic и други. Жирито на MIXX Awards Europe внимателно ги оцени кампањите, вреднувајќи ја нивната креативност, ефективност и целокупното влијание.
Победниците беа објавени на виртуелната церемонија која се одржа на 18 јули 2024 година, а доделувањето на наградите го следеа луѓе од цела Европа и пошироко.
Овогодинешните добитници на награди покажаа големи достигнувања во вкупно 21 категорија, демонстрирајќи извонредност во дигиталното огласување и придонесувајќи за унапредување на индустријата. Нивните иновативни кампањи поставија високи стандарди и ќе продолжат да го инспирираат целокупниот екосистем во областа на дигиталното огласување.
Целосната листа на победници можете да ја разгледате на официјалната веб-страница на MIXX Awards Europe на следниот ЛИНК.
