Како се менува форматот на вестите и што нè очекува во блиска иднина, дали е подобар животот на продукцијата во регионот, во што грешат новинарите, читање мисли и уште многу теми ќе бидат дел од овогодинешниот Weekend.17. Година дена пред полнолетството, Weekend.17 одлучи да ја почести својата верна публика со дури 4 фестивали во еден – Weekend Media Festival, HR.Weekend, AI Weekend и Finance Weekend. На 17-то издание на најголемиот регионален фестивал, повеќе од 200 панелисти на 9 сцени под покровителство на групацијата Adris ќе ги откријат сите тајни на медиумите, човечките ресурси, вештачката интелигенција, комуникациите, маркетингот и бизнисот.
Сите љубители на серијата „Better Call Saul“ ќе бидат радосни, бидејќи на сцената на Weekend ќе дојде Томас Голубиќ, наш човек кој со својот префинет музички вкус ја освои филмската индустрија бирајќи музика за бројни серии и филмови, а ќе ни открие како музиката придонесува за раскажувањето на големиот екран. Кога сме кај сериите, за сите оние кои пораснале со култната серија „Подобар живот“, а и за сите помлади кои слушнале за тој феномен, славниот актер, режисер и продуцент Драган Бјелогрлиќ ќе објасни зошто се зголемува интересот на странските стриминг платформи за нашите филмови и како тоа се одразува на регионалната филмска и ТВ индустрија. Оние кои ја сакаат филмската индустрија, но повеќе го сакаат добриот стар мирис на хартијата, ќе уживаат во предавањето на Томас Ериксон, психолог и автор на бестселерот „Окружен со идиоти“, кој ќе ги разјасни недоумиците околу комуникацијата и со совети ќе помогне да комуницирате поквалитетно, како во деловното така и во приватното опкружување. Овогодинешниот Weekend е во знак на среќата и на свесноста, па на Ериксон ќе му се придружат и неговите колеги психолози, кои професионално знаат како да најдат среќа и мир во 21 век, Мајкл Дален и Али Фенвик.
Дека новинарите не се без мани и дека и тие грешат од прва рака ќе ни откријат Сабина Тандара Кнезовиќ од Нова ТВ, Среќко Матиќ од Deutsche Welle и Томислав Клаушки од 24 часа на панелот „Каде грешат новинарите“. За да го пребродат тмурното секојдневие, некои новинари се свртуваат кон сатирата како форма, а на панелот „Десет години во 24 минути“, авторот на емисијата 24 минути, Зоран Кесиќ, ќе ни открие од каде црпи инспирација десет години за шеги на многу сериозни општествени теми.
Која е границата помеѓу развојот на технологијата и етиката, заштитата на приватноста и митовите за контрола на мислите ќе ни открие д-р Тарек Самад, познат како „Д-р Мозок“. Д-р Самад ќе објасни што е BCI технологија која овозможува обработка на мозочни сигнали за да се управува со уреди исклучиво преку мисли. На Weekend сцената ќе се појави и Дора Стрезова Николова, директорка на Coca-Cola HBC Adria, која ќе открие како уривањето на бариерите помеѓу маркетерите и продажбата, два често неусогласени табори, може да го отклучи целиот потенцијал за успешно работење.
Првпат AI Weekend
По минатогодишното загревање со теми за вештачка интелигенција, оваа година првпат се одржува AI Weekend, кој ќе собере експерти од Google, Meta, OpenAI, TikTok и други технолошки гиганти.
Во Ровињ пристигнува Евана Ху, експертка за сајбер безбедност и извршна директорка на компанијата Omelas, која користи вештачка интелигенција за анализа на дигиталното влијание. Во своето предавање, таа ќе зборува за тоа како компаниите и владите се справуваат со новите предизвици во областа на сајбер безбедноста, со оглед на тоа што ВИ алатките се сега достапни речиси за секого. Своето богато искуство со публиката во Ровињ ќе го сподели и Дамир Сабол, коосновач и поранешен извршен директор на Photomath, кој моментално работи како директор и софтверски инженер во Google. На сцената ќе се појават и Роџер Веркховен, еден од водечките светски експерти во областа на вештачката интелигенција и независен креативен директор во OpenAI, Марк Ван Рисвик, поранешен директор на производи во Tinder, и Лукаш Габлер, менаџер за јавни политики и односи со владата за Централна и Источна Европа во TikTok.
Се враќа HR.Weekend
Втор пат на Weekend ќе имаме можност да слушаме светски и домашни експерти од областа на човечките ресурси, со кои ќе навлеземе во тајните на доброто работење и добрите меѓучовечки односи. Ќе ни дојде познатиот клинички психолог од Харвард, Марк Шулц, коавтор на книгата „Добар живот“, која се темели на најголемото научно истражување за среќата.
Ивица Вранчиќ, реномиран експерт за лидерство, тимска работа и управување со човечки ресурси, доаѓа во Ровињ за да ги открие тајните на успешното водење на луѓе, каде што клучен фактор е несомнено емоционалната интелигенција. Милена Доленц, потпретседателка за човечки ресурси во гејминг компанијата Outfit7, ќе зборува за корпоративниот идентитет, додека Ндиди Масај, потпретседателка на CBS Sports, ќе говори за поправедна и поинклузивна работна средина.
Владари на регионалната CFO сцена на Finance Weekend
На овогодинешниот Weekend.17 никој нема да остане без внимание, вклучувајќи ги и оние кои за пресметување проценти не им е потребен калкулатор. Finance Weekend, во соработка со компанијата Farseer, ќе се одржи на 21 септември во рамките на Weekend, каде што ќе имате можност од прва рака да ги слушнете искуствата на водечките финансиски директори на регионалните компании. Која е иднината на финансиите, што носи дигиталната трансформација, како глобализацијата го редефинира работењето и други клучни прашања ќе бидат разгледани во Ровињ, а на нив ќе одговорат експерти како Матија Ковачевиќ, главен финансиски директор на HT; Ивана Крајиновиќ, партнерка во Одделот за ревизија и раководителка на Одделот за финансиско-сметководствено советување и известување за одржливост во EУ; Зоран Станковиќ, главен финансиски директор на групацијата Atlantic; Наташа Вуча, директорка на Одделот за планирање и контрола во Max Bet; и Борис Вујчиќ, гувернер на Хрватската народна банка.
Десертот секогаш доаѓа на крајот
По networking-от и корисните предавања ве очекуваат вечерни дружења исполнети со врвна музика и незаборавни искуства. Оваа година на „Out of home party“ публиката ќе ја запали Miach, која брзо се искачува по топ-листите. Дополнително, прославата ќе биде уште поголема, бидејќи CineStar Channels го одбележува својот 15-ти роденден и го донесува планетарно популарниот DJ Fedde Le Grand, кој со својот настап ќе ги затресе темелите на старата Фабрика за тутун Ровињ.
Weekend Media Festival секогаш ги следи актуелните трендови и клучни прашања, нудејќи простор за наоѓање одговори и решенија. Програмата е достапна овде, а сите новости можете да ги следите преку нашите профили на Facebook, Instagram и LinkedIn.
