На овогодинешниот фестивал Golden Drum, публиката ќе има можност да го чуе едно од најнаградуваните и највлијателни гласови во индустријата – Ентони Челванатан, глобален креативен партнер и генерален креативен директор во Edelman Canada.
Во својата сесија со наслов „Grit Happens: How Surviving Chaos Taught Me to Thrive in Creativity“, Ентони ќе зборува за кариера обликувана не само од креативност, туку и од истрајност. Откако како дете побегнал од војна со ништо повеќе од сопственото семејство, тој изградил менталитет заснован на упорност – нешто што и денес го води во неговата работа. Од наградувани глобални кампањи до тешки лекции и лични падови, Ентони ќе ги сподели приказните зад проектите и човечките вистини што ги поттикнуваат.
Како прв глобален креативен партнер на Edelman, тој ја води креативната насока на агенцијата во повеќе од 60 канцеларии ширум светот, заедно со глобалната генерална креативна директорка Џуди Џон. Неговите достигнувања вклучуваат прв златен „кански лав“ за една PR агенција во Канада (за IKEA SHT), сребрен „лав“ за Allegra, и повеќе од 500 меѓународни награди во текот на својата кариера.
Надвор од сцената, Ентони е посветен ментор и лидер во индустријата, познат по својата поддршка на различни гласови и млади таленти. Тој е и претседател на жирито за Creative Business Excellence на Golden Drum 2025, носејќи ја својата препознатлива комбинација од стратешка проникливост и креативна страст во овогодинешниот натпревар.
Повеќе информации за програмата и начинот на учество на фестивалот Golden Drum се достапни на следниот ЛИНК.
