Меѓународниот фестивал на креативноста Golden Drum го отвори конкурсот за пријавување кампањи за овогодишното издание на натпреварувачкиот дел. Крајниот рок за пријавување е 21 август 2023 година, а на фестивалот можат да се пријават сите кампањи реализирани помеѓу 16 август 2022 и 21 август 2023 година.
Агенции, огласувачи, клиенти, дизајнерски/продукциски куќи, медиумски компании и други креативци од 42 земји се поканети да ги пријават своите креативни дела во шест различни секции: One-Channel Drum, Omni-Channel Drum, Craft Drum, Creative Media Excellence Drum, Creative Business Excellence Drum, како и специјалната All Juries Section.
Фестивалот годинава доделува две нови специјални награди – нова награда за најдобра медиска агенција на годината и посебна натпреварувачка група “Game Changer”, наменета за кампањи кои ги предизвикуваат традиционалните начини на огласување. Ова е единствената натпреварувачка група отворена за учесници од целиот свет.
Секој добитник на Grand Prix награда на фестивалот ќе биде директно и бесплатно вклучен во конкуренцијата на The Immortal Awards. Фестивалот Golden Drum е исто така повторно вклучен во Креативното рангирање на WARC.
Пријавувањето за Golden Drum 2023 се врши онлајн преку следната веб платформа. Од фестивалот нудат и early bird можност за пријавување по пониска котизација. Понудата трае до 21 април 2023, па затоа побрзајте!
***
Покрај главното натпреварување, Golden Drum организира и специјален натпревар за млади креативци – Young Drummers.
Младите креативци до 30 години од целиот свет повторно имаат можност да ги тестираат своите вештини со учество на натпреварот Young Drummers што се одржува секоја година во соработка со Словенечкиот туристичко биро.
Овогодинешниот бриф со наслов “A date with a masterpiece” ја бара најдобрата идеја за постер. Победникот ќе добие парична награда од 1.000 евра и бесплатна пропусница за присуство на фестивалот Golden Drum.
Претседател на овогодинешното жири на натпреварот за млади креативци е предводено од Микола Коваленко, основач и директор за дизајн на Mykola Kovalenko Studio од Украина/Словачка.
Во оценувањето на делата на младите креативци ќе му се придружат и:
- Рику Етелакоски, креативен директор, Nitro Group, Финска,
- Катја Наред, проектен менаџер за контент маркетинг при Словенечкото туристичко биро, Словенија,
- Тина Срачњек, проектен менаџер за креативни визуелни решенија и маркетинг на дигитални содржини, Словенечко туристичко биро, Словенија,
- Јакуб Светлик, вонреден креативен директор, Istropolitana Ogilvy, Словачка.
Повеќе информации за Young Drummers и начинот на пријавување се достапни на следниот линк,
