Еден од најголемите европски фестивали на креативност Eurobest ги отвори пријавите за 2019 година.
Оваа година, вашите проекти можете да ги пријавите во 23 категории. Пријавите кои можат да се квалификуваат за награди треба да бидат реализирани во периодот од 1 септември 2018 година до 31 октомври 2019 година. Eurobest ја препознава и слави креативноста што има позитивно влијание, не само на компаниите и брендовите, туку и на целиот свет воопшто.
Свесни за фактот дека е тешко да се споредат проектите направени за непрофитни организации и комерцијални проекти, организаторите воведоа Grand Prix for Good Award.
Проектите за оваа спацијална награда не може директно да се пријават, но стануваат квалификувани доколку им се додели награда Gold Eurobest Award и доколку се создадени со цел подигнување на јавната свест за некоја тема или за некоја непрофитна или добротворна организација. Проектот што ги исполнува овие критериуми повторно ќе биде оценет одделно како кандидат за Grand Prix for Good.
Оваа година на Eurobest ќе бидат доделени и неколку специјални награди.
Апликациите се отворени до 24 октомври, а финалистите ќе бидат прогласени на 29 ноември. На 9 декември ќе бидат прогласени добитниците на награди, а на 12 декември ќе бидат прогласени добитниците на Grand Prix и Special Awards на настан кој ќе биде емитуван во живо.
Повеќе информации пронајдете на сајтот: https://www.eurobest.com/how-to-enter
