Српската Marketing Mreža веќе четврта година по ред продолжува да ги истакнува, промовира и наградува највлијателните експерти за маркетинг и комуникации од компаниите во Србија, во рамките на проектот Mark Awards. Номинациите се отворени до 30 септември на веб-страницата www.mark-awards.rs.
Целта на наградите Mark Awards е да ги поттикнува и мотивира експертите за маркетинг и комуникации од компаниите во Србија, но и да ѝ укаже на јавноста за нивниот потенцијал, таленти, креативност и способност за постигнување врвни деловни резултати и препознатливост на брендовите. Mark Awards е награда со која професионалниот портал Marketing Mreža сака да промовира професионални модели, но и да придонесе за подобрување и развој на професијата во Србија.
За разлика од другите професионални награди на српскиот пазар, Mark Awards се доделуваат на поединци за личен деловен и професионален успех, односно на поединци кои оставиле свој белег на пазарот на маркетиншките комуникации во Србија во изминатиот период.
„По многу успешните претходни изданија на Mark Awards, Marketing Mreža и оваа година ќе им додели признанија на експерти од компании кои ги отфрлаат старите начини на водење бизнис и одлучиле да бидат поразлични. На професионалците кои избрале да бидат извонредни и да се издигнат над културата на истоветност – со исклучителни резултати. Mark Awards продолжуваат да наградуваат поединци за личен деловен и професионален успех, кои оставиле трага на пазарот со својата работа и кои се лидери во својот бизнис. Ќе ги наградиме поединците кои и самите нè инспирираат, мотивираат и охрабруваат да постигнуваме резултати, што ги прави исклучителни!“ – посочува Ивана Парчетиќ Митиќ, основач и извршна директорка на Marketing Mreža, која воедно е и организатор на проектот Mark Awards, повикувајќи ги колегите да ги поднесат своите номинации за престижните награди.
На натпреварот Mark Awards може да се пријават сите експерти за маркетинг и комуникации од компании во Србија, кои сметаат дека нивната работа и делување оставиле белег на пазарот на маркетиншките комуникации во Србија. На натпреварот Mark Awards можат да бидат номинирани и експерти за маркетинг и комуникации од регионот кои водат повеќе пазари, вклучително и српскиот пазар, со тоа што во номинациската форма наведуваат реализирани проекти и постигнати резултати исклучиво за српскиот пазар.
Експертите можат да бидат номинирани во една од 11-те главни категории, лично или од некој од нивните колеги и соработници од компаниите, агенциите или медиумите со кои соработуваат. Дополнително, годинава ќе биде доделена и Специјална награда за личен придонес во развојот на професијата.
За тоа кој ќе ги добие овогодинешните Mark Awards одлучува стручно жири составено од признати и почитувани професионалци од креативни, ПР, дигитални агенции и компании. Нивните имиња ќе бидат објавени наскоро.
Номинациите се бесплатни, а повеќе информации за наградата, правилата и формуларот за номинација се достапни на веб-страницата www.mark-awards.rs.
Визуелното решение на Mark Awards 2024, под слоганот „Mark the future, lead the way“, е создадено од агенцијата Ovation BBDO.
