Фестивалот што секоја година ги обединува најдобрите во светот на креативноста, пазарните комуникации и дигиталните иновации повторно го нуди она поради што не е „само уште една конференција“: инспирација, идеи и атмосфера што долго се памети!
Во мај нè очекуваат три возбудливи дена посветени на комуникациите, креативноста и дигиталните иновации! Новото издание на Денови на комуникациите ќе се одржи од 7 до 10 мај 2026 година во хотелот Lone во Ровињ, а пријавите сега и официјално се отворени. Препознатливи по единствената фестивалска понуда што излегува од вообичаеното и поттикнува на промена, Денови на комуникациите со својот нетипичен пристап сакаат и понатаму да ги освојуваат срцата на сите што копнеат по критичко размислување, нови пристапи и иновативни технологии.
„Крајот на годината обично е период кога ги сумираме направените нешта, но и ги правиме големите планови за следниот период. Тешко дека постои подобар дар што некој може да си го подари од впишувањето на Денови на комуникациите во календарот за наредната година. Затоа што, додека некои новогодишни одлуки пропаѓаат уште по првите недели, планирањето на Денови на комуникациите е нешто од што не се откажуваме, нешто што постојано нè радува, првата половина од годината ја исполнува со слатко исчекување, а втората половина со сумирање на впечатоците и примена на наученото. Иако во оваа фаза не можеме да откриеме повеќе од самиот датум, подготовките веќе се во полн ек, првите предавачи се договорени, темите за панелите се составуваат како и секогаш – ќе бидат ‘право во целта’, исклучително актуелни и корисни“ – посочува Јелена Фишкуш, членка на организацискиот одбор на фестивалот.
„Еј, конкуренцијо! Можеби подобро прескокнете ги Денови на комуникациите 2026. Ќе има премногу инспирација, контакти и идеи што би сакале да ги задржиме за себе. Како и наградите. А драги огласувачи, особено вие кај кои KPI е ‘континуиран напредок, учење и развој’ – се гледаме во Ровињ од 7 до 10 мај 2026“ – додава Дамир Циглар, член на организацискиот одбор на фестивалот.
Предавања на визионери од светската индустрија, исклучителни личности и креативци, дијалози со домашни и регионални експерти, работилници, свечени доделувања стручни награди, забави, низа други содржини и многубројни изненадувања – сето тоа се Денови на комуникациите, омиленото средиште на клучните огласувачи, агенции, дизајнери и креативци, експерти за односи со јавноста, дигиталци, претставници на медиумите и други професионалци од комуникациската индустрија кои се важни за создавање и поттикнување промени.
Да потсетиме: со повеќе од 200 говорници, 80 програмски сегменти, 730 пријавени проекти, над 130 партнери и спонзори, дури 125 членови на жирито и натпреварувачките одбори и 5 фестивалски сцени – минатото издание на Денови на комуникациите, во организација на HURA и IAB Croatia, беше најобемно и највлијателно досега.
Пријавите за учество се веќе возможни преку официјалната страница на фестивалот, каде што се достапни сите информации за резервирање „early bird“ котизации, како и за сместување во луксузните Maistra хотели во волшебниот Ровињ – една од најубавите европски дестинации – во понуда што важи до 16 јануари за раните пријави и резервации. Од година во година, најголемиот дел од вкупните сместувачки капацитети се распродава во првите десетина дена, па затоа е добро да си резервирате место навреме.
Првите лица на годинашното издание на фестивалот, со кои тој рамноправно парира на големите светски настани, ќе бидат претставени во јануари. А дотогаш – резервирајте го своето место на еден од најисчекуваните фестивали во 2026 година.
