Заклучоци од вебинарот DIRECT TALKS From Home 04 „Што прават брендовите кога е тешко?“
Можеби нема веднаш да дојде до промена на економскиот модел, но крахот на постоечкиот конзумеристички модел е долгорочно евидентен. Како ќе се покажат сега брендовите, тоа ќе влезе во потсвеста, а меморијата останува за цел живот, порачаа учесниците на четвртиот по ред DIRECT TALKS From Home вебинар:
- Миша Лукиќ, Founder & Chief Business Designer, New Startegy
- Оливера Никодејевиќ, Marketing Director, Apatinska pivara
- Миливоје Чалија, Owner, Calija&Calija
- Јован Стојановиќ, CEO, Direct Media United Solutions
- Разговорот го водеше Мирко Бунчиќ, Creative Strategist, Direct Media United Solutions
Брендови кои (не) се прават мртви
„Бизнисот е заедница на луѓе, а брендот, како претставник на тој бизнис, треба да ја заштити заедницата во криза, како клиентите, така и добавувачите и локалната заедница. Ако бизнисот остане само интересна заедницата, без човечност, тогаш не е отпорен на вакви кризи“, оценува Миша Лукиќ. Според него, истражувањата во Америка покажуваат дека околу 25% од компаниите „се правеле мртви“ во првиот бран на корона вирусот, 80% ја намалиле комуникацијата, а некои брендови почнале проактивно да комуницираат, каде што потрошувачите биле благонаклонети спрема последните.
Во првите денови од избувнувањето на пандемијата во Србија, Апатинска пивара започна кампања наречена „Остани во својата гајба“, во која се повикуваат потрошувачите да постапуваат одговорно. „Секако дека можевме “да се правиме мртви“, но мислевме дека тоа не е вистинскиот пат. Креиравме комуникација која им се обраќа на помладите луѓе и ѝ дадовме шмек на урбан сленг. Најдоброто што можеме да го сториме сега, кога на луѓето не им е пријатно во новата реалност е да им биде за нијанса полесно кога ќе го видат својот бренд. Подоцна тоа ќе го запомнат, затоа што за време на криза се создава нова врска помеѓу брендовите и потрошувачите. Доколку тоа не се искористи сега на вистински начин, после ќе биде доцна“, вели Оливера Никодијевиќ.
Микробрендот „Ангели“, според Миливој Чалија, прецизно ги постави етосот и вредностите кои живеат, што им помогна во првите моменти на кризата. „Се испостави дека тоа сега нам ни се врати. Луѓето почнаа да нè доживуваат како еден вид прибежиште во тешки времиња. Е-трговијата никогаш не ни била туѓа, но нашата достава во моментов работи многу подобро отколку кога беше отворена продавницата, а ја затворивме во пандемијата. Не може да се каже дека тоа не го нарушува прометот, но ни се враќа преку низа емоции и вредности со кои сега нашите потрошувачи во голема мерка се поистоветуваат“, вели Миливоје.
Според Миша Лукиќ, исклучително е важно да направите нешто што е храбро, автентично и одговорно, затоа што во вакви моменти, меморијата останува за цел живот. „Постојат примери на storydoing каде Ферари започна со правење респиратори, а Кристијан Диор маски … тоа е поголем напор што луѓето знаат да го ценат“, вели Миша, наведувајќи го и примерот со супермаркетот кој со зголемување на цената на секое наредно средство за дезинфекција, покажа добра волја за пазарот, како и производителот на мебел кој ја направи идеален Zoom background од сопствениот мебел. „Третиот дел од приказната е storybeing, тоа е она што сте вие, кога не го ставате профитот во прв план. Мислам дека брендовите треба да го искористат ова како шанса на векот“, вели Миша Лукиќ.
„Ова е катарзичен момент. Ништо нема да биде исто, нашето размислување и вредности се променија, брендот мора да биде искрен“, вели Оливера Никодијевиќ. Според неа, она што нè чека е враќање на посилна емотивна линија. „Кинезите откриле дека најголем дел од онлајн комуникацијата сега е на некои мали животни работи, наместо на конзумерски приказни. Исто така, луѓето купуваат поефтино. На пример, во Англија се оди кон средно ниво на цени. Кога на полицата имаат два производи, тие нема да го изберат оној што вели “јас сум сум најубав и најдобар, туку оној кој искрено комуницира“, вели Оливера, наведувајќи дека брендовите ќе мора да започнат со прилагодување сега, за да стигнат навреме.
После Covid19 доаѓа Ecovid20
Според Миливоје Чалија, ова е историски момент, затоа што имаме привилегија да учествуваме во процесот на промена на парадигмата на функционирање на светската економија, односно промена на сегашната, која се засноваше на конзумеризмот.
„Со години се наоѓаме во ситуација на девастација на природните ресурси. Ова случување со вирусот се совпаѓа со тоа дека актуелниот модел на работење не е одржлив. Се наоѓаме во чудна криза каде човештвото одлучи да ја успори светската економија, да направи сериозна парализа, каде што индустриите кои цветаат се оние базичните, а секоја надоградба се остава за некој подобар период во животот“, вели Миливоје.
Според Јован Стојановиќ, за да се излезе од кризата, комуникациската индустрија ќе мора многу појасно да ја комуницира својата важна улога, а агенциите треба да го променат начинот на работа.
„Сигурно ќе бидеме сведоци на значајни економски турбуленции, а она што е неопходност е да се одржи континуитетот на работењето, бидејќи задржувањето на процесот може да нанесе голема штета на сите. Ние сме некој кој им помага на брендовите да ги продаваат своите услуги и производи, и оние кои и тоа како имаат силно влијание врз развојот на целата економија. И затоа е важно подобро од кога било досега да ја комуницираме нашата улога, а брендовите да продолжат да комуницираат, бидејќи тоа е најзначајниот облик на општествена одговорност спрема целата заедница. Пред сè, ние како агенции сме должни за тоа нашите стратегии за овие три месеци нема да бидат исти како пред пандемијата“, вели Јован Стојановиќ.
„Ова е криза што брендовите не смеат да ја пропуштат, затоа што после Covid19 доаѓа Ecovid20 или економски Covid. Доколку не сте успеале да ја искористите оваа криза, доаѓа многу поголема и подолга, предупредува Миша Лукиќ. Според него, кризата се користи со носење вредности околу вас, каде брендовите сè уште можат да реагираат добро заради брзината на одлучување и учење, а тоа особено се однесува на целата земја, која може да започне да извезува кризно лидерство. „Кога започнавме да го развиваме бизнисот и бренд методологијата и филозофијата на Business Sapiens, а сега планираме да отвориме и академија која ќе се занимава со оваа тема, некаде предвидовме дека сè ќе почива на односите во кои бизнисот и брендот мора да станат похумани“, оценува Миша Лукиќ.
Поддршка на економијата
Според Јован Стојановиќ, ќе имаме нов економски балон после пандемијата, каде што дури следниот економски циклус кој нема да дојде толку брзо ќе ја редефинира светската економија. Во сето ова, мораме да ја зачуваме домашната економија. „Сигурен сум дека во Америка ќе започне сериозната кампања “made in USA“ за купување на домашни производи“, оценува Јован Стојановиќ, наведувајќи дека тоа ќе биде спас и за нашите пазари. „Во текот на овај месец, секој се најде во ситуација да нема беспотребно купување, а свесност за поддршка на локалното мора да постои кај сите, со цел придвижување на економијата“, вели Стојановиќ.
„Покрената е иницијатива на Фејсбук групата„ Глас на претприемачите“ за да се искористат ветените сто евра од државата за купување на домашни производи, што претставува потребен апел, иако звучи изолационистички“, вели Миливоје Чалија и додава дека сега се поставува прашањето како ќе се однесува купувачот, затоа што и тој ќе биде во проблем наречен cash flow во наредните 3 до 5 месеци. „Најпрвин ќе се одлучува за егзистенцијалните производи, а следните ќе бидат оние со кои тој ќе се пронаоѓа на лично и етичко ниво. Кој ќе се занимава со позиционирање на брендот на ниво на вредност, ќе има повеќе корист“, вели Чалија, наведувајќи го примерот на компанијата Патагонија која се занимава со спортска опрема и со години ги убедува луѓето да им испраќаат јакните за да ги закрпат. „Продажбата експлодираше затоа што луѓето сакаат да бидат дел од приказната, чии вредности ги споделуваат“, вели Миливоје.
„Стравот што се појавува во оваа ситуација кај луѓето е поголем од стравот од самата зараза. Како да се надмине тој страв е прашање над сите прашања, но клучот е во комуникацијата, оценува Оливера Никодијевиќ од Апатинска пивара. „На Пирамидата на Маслов дефинитивно се вративме на основните нивоа. Истражувањата за Европа велат дека луѓето ќе се свртат повеќе кон локалните брендови. Границите се затворени и прашањето за доверба и вредност ги турка потрошувачите во таа насока. Кога станува збор за нашиот бренд, сега влегуваме во втор бран на комуникација, анализирајќи ги каналите кои се моментално актуелни и се обидуваме да претпоставиме дали тоа ќе се одржи и после кризата. Во секој случај, проактивни“, порачува Оливера Никодијевиќ.
Целиот вебинар можете да го погледнете на DIRECT TALKS From Home 04.
* * *
Следниот вебинар DIRECT TALKS From Home 05 ќе се одржи денес, во 13 часот на тема: Дали E-commerce е иднината на купувањето во Србија?
Моменталната ситуација доведе до големи промени во областа на е-трговијата во светот, а особено во Србија. Какви промени се случија, кои категории профитираа, на кој начин компаниите ќе реагираат и дали и како сето ова ќе ја промени иднината на е-трговијата во Србија.
Одговорите на овие прашања ќе ги добиеме од луѓето на кои овие промени им се секојдневна работа.
- Михаило Понјавиќ, CEO, Superkartica
- Маја Марковиќ, Head of Digital Marketing Department, Mercator S
- Марко Мудриниќ, Managing Director, Netokracija
- Марко Илиќ, Business Development Manager, Dijaspora.Shop
- Билјана Стојковиќ, Business Solutions Director, Wireless Media
- Игор Чернишевски, Head of Digital, DIRECT MEDIA United Solutions
Резервирејте го своето време денес, 24 април, во 13 часот.
На вебинарот можете да пристапите преку следниот ЛИНК.
