Американската платформа за интернет трговија eBay е отворена за можноста за прифаќање на крипто валути како средство за плаќање во иднина, објави компанијата.
– Ние секогаш ги разгледуваме најрелевантните форми на плаќање и ќе продолжиме да даваме такви проценки и во иднина. Немаме непосредни планови, но тоа е (криптовалути) нешто што внимателно ќе го разгледаме”, се наведува во соопштението од eBay.
Извршниот директор на eBay, Џејми Ијаноне во интервју за Си-Ен-Би-Си истакна дека се разгледува опцијата прифаќање на виртуелни валути.
Во соопштението на eBay се додава дека се разгледува „бројни опции“ за влез во просторот на незаменливите токени (NFT). НФТ токенот не може директно да се разменува за традиционална валута. За разлика од другите криптовалути, секој НФТ е единствен.
