Победници на последниот ден од Cannes Lions 2025 – Доделени специјалните награди за агенции и огласувачи на годината

Со завршувањето на 72-то издание на Меѓународниот фестивал на креативноста Cannes Lions, последната церемонија на доделување награди ги одбележа добитниците во категориите Film, Titanium, Glass: The Lion for Change, Sustainable Development Goals и Grand Prix for Good. Исто така беа доделени и Специјалните награди, како кулминација на освоените поени во текот на целиот фестивал.

Glass: The Lion for Change

Од 253 пријавени проекти во оваа категорија, доделени беа 8 награди: 1 златна, 2 сребрени и 4 бронзени. Главната Grand Prix награда ја доби кампањата „Real Beauty: How a Soap Brand Created a Global Self-Esteem Movement“ за Dove, од агенцијата Ogilvy UK, Лондон.

Sustainable Development Goals Lions

Од 481 пријавени кампањи во категоријата за одржлив развој, доделени беа 16 награди: 4 златни, 4 сребрени и 7 бронзени. Главната Grand Prix награда ја освои „The Amazon Greenventory“, за NATURA, од Africa Creative DDB, Сао Паоло.

Film Lions

Од 1642 апликации во категоријата за филм, доделени беа 52 награди: 8 златни, 15 сребрени, 27 бронзени и две Grand Prix награди.

• Првата Grand Prix отиде кај „Paris Paralympics 2024: Considering What?“, за Channel 4, од Channel 4 и 4Creative, Лондон.
• Втората Grand Prix ја доби “The Final Copy of Ilon Specht“ за L’Oréal Paris, од McCann, Париз.

Dan Wieden Titanium Lions

Од 187 пријавени кампањи во оваа категоријата, доделени беа 4 титаниумски „лавови“ и 1 Grand Prix награди. Главната Grand Prix награда ја освои „AXA – Three Words“, од Publicis Conseil, Париз.

Grand Prix for Good

Оваа награда го препознава креативниот придонес со позитивно влијание врз општеството и светот. Наградата Grand Prix for Good ја освои кампањата „The Best Place In The World To Have Herpes“, за New Zealand Herpes Foundation, од FINCH, Сиднеј / Motion Sickness, Окленд / NZ Herpes Foundation, Окленд.

Специјални награди

Креативна холдинг-компанија на годината

1. WPP
2. Omnicom
3. Interpublic Group

Агенциска мрежа на годината

1. DDB Worldwide
2. Ogilvy
3. FCB

Независна агенциска мрежа на годината

1. Serviceplan Agenturgruppe
2. Rethink
3. Wieden+Kennedy

Агенција на годината

1. Publicis Conseil, Париз, Франција
2. Africa Creative DDB, Сао Паоло, Бразил
3. FCB Chicago, САД

Независна агенција на годината

1. Serviceplan, Минхен, Германија
2. Rethink, Торонто, Канада
3. Bear Meets Eagle On Fire, Сиднеј, Австралија

„Златна палма“ за Продукциска компанија на годината

1. Revolver, Австралија
2. Iconoclast, САД
3. Biscuit Filmworks, Обединето Кралство

Креативен бренд на годината

1. AXA
2. Dove
3. Vaseline

Сите победнички кампањи на Cannes Lions може да се разгледаат на следниот ЛИНК. Повеќе информации за фестивалот се достапни на www.canneslions.com.

р е к л а м а