Технолошкиот гигант Apple минатата недела ги претстави своите нови модели на пеметни телефони од серијата iPhone 15. Паралелно со тоа, брендот објави и неколку нови видеоспотови кои имаат за цел да го доловат чувството и функционалните карактеристики на новите телефони.
За стандарната верзија на iPhone 15 беше објавена рекламата “WOW”, која претставува динамичен колаж од снимки кои одблиску и во брз ритам ги претставуваат сите значајни карактеристики на новиот паметен телефон.
За професионалната верзија на телефонот, iPhone 15 Pro, брендот објави две реклами кои, од една страна, се фокусираат на цврстиот и лесен материјал од кој е изработен (титаниум), а од друга страна – на висококвалитетните кинематографски способности кои ги нуди неговата камера.
Повеќе информации за функционалните карактеристики на новите телфони можете да прочитате на официјалната страница на Apple – за iPhone 15 и iPhone 15 Pro.
