Pokémon Go е првата игра со ‘изменета реалност’ (augmented reality) која стана популарна во мејнстримот и покрај тоа што технологијата е присутна повеќе од една деценија.
Апликацијата им овоможува на играчите да брка карактери кои се вметнати во реална околина, и според бројките од SimilarWeb, играта веќе има повеќе инсталации од Tinder во САД.
Бидејќи кај потрошувачите конечно се наметна концептот на изменета реалност, дали брендовите ќе одвојат повеќе пари од своите буџети за кампањи на изменета реалност?
И покрај тоа што маркетерите може да работат со ‘трети страни’ како Blippar или Shazam на активности со изменета реалност, технологијата се’ уште не е доволно проширена. Една често споменувана препрека е тоа дека потрошувачите, кои се преоптоварени со различни апликации, многу тешко би се одлучиле да симнат уште една апликацијата за да искусат брндирана содржина со изменета реалност.
Според Ник Роуп, основач и извршен креативен директор на Poke London, Pokémon Go покажа дека изменетата реалност конечн го помина “лакмусовиот тест”.
“Ова е првиот пример за мејнстрим пробив. Тоа покажува како може да направите некој интересен новитет во нешто со подефинирана насока.”
И покрај тоа што е неверојатно дека брендовите веднаш ќе започнат со градењето на нивните апликации со изменета реалност, тие може да позајмат некоја од поуспешните функции на Pokémon Go за некоја од своите кампањи.
Еден пример даден од Педи Грин, постар директор за социјални медиуми во Fetch, е инкорпорирањето на геокеширање – одамна етаблирана функција која инкорпорира елементи од дигиталниот и реалниот свет. Геокеширањето е одамна познато за технолошката заедница, но Pokémon Go ја популаризираше идејата за пронаоѓање на дигитални предмети во физички локации.
“Оваа технологија може да биде искористена од други брендови за да ги поттикне корисниците на outdoor искуства,” истакна Грин.
Изменетата реалност, или ‘мешаната реалност’, пополека зема свој замав, додава Роуп, укажувајќи на HoloLens хедсетот на Microsoft. Таа дури може да биде и покорисна за брендовите отколку ‘виртуелната реалност’, која исто така станува популарна.
Додека кај виртуелната реалност се работи за затворени, самостојни светови, изменетата реалност е поблиску до платформа со која брендовите може да работат.
Дел од проблемот со виртуелната реалност, како што вели Роуп, е тоа што брендовите мора да градат целосно нови светови за една кампања. Тоа не мора да биде случајот со изменетата реалност доколку брендовите изнајдат начин како да се интегрираат во постоечкиот свет, како Pokémon Go. Кампањите со изменета реалност не мора да бидат само еднократни извршувања, туку долгорочни интеграции.
Роуп посочува на тоа како созревањето на социјалните медиуми им помага на брендовите во нивното префрлање на мобилните уреди. На истиот начин, иновациите како Pokemon Go може да го поплочат патот за брендовите да ја разаберат изменетата реалност како платформа, а не како шега.
Пет работи кои треба да се знаат:
- Различно од виртуелна реалност
Виртуелната реалност е бегство, нудејќи им на корисниците пристап кон самостојни светови. Изменетата реалност вметнува виртуелни објекти во реалниот, физички свет.
- Вмешување на технолошките гиганти
Microsoft го лансираше HoloLens за сите девелопери, додека пак Google инвестира во мистериозен старт-ап за изменета реалност наречен Magic Leap. Apple исто така развива повеќе патенти за изменета реалност,
- Повеќе намени
Disney минатата година лансираше демо на боенка со изменета реалност која ги ‘оживува’ карактерите откако тие ќе бидат обоени. Microsoft гледа на изменетата реалност како алатка за продуктивност.
- Експерименти на брендовите
Брендовите од козметичката индустрија биле особено активни во оваа сфера. Sephora лансираше алатка за тестирање на кармин, додек пак Lakme на Unilever извади апликација која им овозможува на индиските корисници за испробуваат различни изгледи.
- Голема работа кај социјалните медиуми
Едни од најсаканите опции на Snapchat се наговите филтери за слики. Софтверот може да го детектира лицето на корисникот и врз него да постави различни маски за комичен ефект. Facebook купи сличен сервис годинава – Masquerade, за да држи чекор со Snapchat
