Мултинационалниот производител на пиво Heineken лансираше специјална амбалажа на францускиот пазар со која ја слави глобалната распространетост на својот препознатлив бренд.
Претставени во пресрет на Олимписките игри кои оваа година се одржуваат во францускиот главен град Париз, новите лименки и шишиња се карактеризираат со живописни дезени и бои кои ги означуваат различните земји каде може да се ужива во Heineken.
Естетиката на специјалната амбалажа служи како моќен симбол на единство, обединувајќи ја суштината на различните култури под една заедничка ѕвезда – црвената петокрака на Heineken.
Придружниот слоган: „Повеќе од 190 земји, една заедничка ѕвезда“ – ја доловува мисијата на компанијата да ги поврзе луѓето ширум светот преку универзалниот јазик на пивото.
Дизајнот на новите лименки и шишиња на Heineken е дело на белгиската агенција WeWantMore.
