Пријавувањето е отворено до 24 септември, а победниците ќе бидат прогласени на наградната церемонија на 24 октомври
Апликациите за 13-то издание на SoMo Borac by Aleph официјално се отворени и траат до 24 септември, а сега се познати и луѓето кои детално ќе ги прегледаат и оценат сите пристигнати проекти. Најпрво вреди да ги претставиме претседателките на жирито, а оваа година тоа се: Вања Ваничек, директорка за маркетинг, корисничко искуство и комуникации во E.ON Hrvatska, која е претседателка на жирито за „Огласување“, како и Анамарија Тодориќ, директорка за дигитална стратегија на Večernji list и 24sata и членка на Хрватската асоцијација на дигитални издавачи (HUDI), која е претседателка на жирито за „Медиуми“.
Минатата година беше забележан рекорден број на апликации – повеќе од 235, а организаторите веруваат дека и оваа година жирито го очекува предизвикувачка задача – еден по еден да ги оцени сите генијални дигитални проекти.
Хрватската асоцијација на дигитални издавачи (HUDI) го поддржува SoMo Borac трета година по ред како коорганизатор со цел да го зајакне медиумскиот сегмент и да ја поддржи размената на знаење и ресурси меѓу заедницата на дигитални издавачи. Медиумските издавачи можат да ги пријават своите проекти во следниве категории: Best Media Feature, Digital Product of the Year, Digital Design of the Year, SoMo NATIVE и Best Media Storytelling.
Претседателката на медиумското жири, Анамарија Тодориќ, го сподели своето гледиште за важната улога што ја очекува во наредниот период: „Исклучително сум благодарна на колегите и организаторите што ми укажаа доверба именувајќи ме за претседателка на медиумското жири. За мене оваа улога, пред сè, буди голема гордост, особено затоа што SoMo Borac е натпреварување на кое победија и беа во потесен избор многу проекти на кои моите колеги и јас заеднички работевме, па знаеме колку таа награда ни значи на сите нас. Освен тоа, во жирито се и други колеги на чија работа се восхитувам, па сигурна сум дека ќе ни биде предизвикувачки, содржајно, но и убаво да избереме нови финалисти и победници.”
Претставник на медиумското жири од Македонија кој ќе учествува во изборот на најдобри медиумски дигитални кампањи е Игор Поповски од CRNOBELO MEDIA.
Во делот за „Огласување“ има вкупно 12 категории, а новина оваа година е категоријата SoMo Video Impact, која бара видео содржини што постигнале врвни резултати, додека категоријата Digital Product of the Year е проширена на меѓународно ниво – сега може да се пријават дигитални производи наменети за кој било пазар, во рамките на регионот или надвор од него.
„Им се заблагодарувам на организаторите на SoMo Borac за укажаната доверба – голема чест ми е што оваа година имам можност да претседавам со жирито на едно од најзначајните регионални натпреварувања во областа на дигиталните комуникации. SoMo Borac не е само натпревар – тоа е заедница на креативци, стратези, визионери и дигитални професионалци кои ја обликуваат иднината на дигиталната комуникација во регионот. Во домен кој постојано се менува и буквално мутира од месец во месец, препознавањето на извонредноста станува сè поголем предизвик – но и поважно од кога било. Токму затоа со голем ентузијазам ѝ пристапувам на оваа улога. Се радувам на соработката со стручните колеги од жирито, чие знаење, искуство и посветеност се гаранција за квалитетен, внимателен и промислен избор. Непроценливо е да се има можност за размена на мислења, предизвикувачки дискусии и подлабоко разбирање на стратешките процеси што стојат зад реализацијата на идеи и врвни дигитални проекти – оние што нè потсетуваат зошто толку многу ја сакаме оваа работа“ – истакна претседателката на жирито за огласување, Вања Ваничек.
Членови на огласувачкото жири од Македонија се: Елеонора Ѓорѓева (Publicis Skopje), Енес Каракаш (Piksel LTD), Александар Китановски (BDG agency) и Михаела Козар Бајалџиева (Tokyo Communications).
Сите членови на жиријата за Медиуми и Огласување можете да ги разгледате на официјалната веб-страница на SoMo Borac, а не заборавајте да се претплатите и кон билтенот на фестивалот. Заследете ги исто така профилите на Facebook, Instagram и LinkedIn.
