Новото 31-во издание на меѓународниот огласувачки фестивал Golden Drum ќе се одржи на 13 и 14 октомври во Порторож, Словенија. Конкурсот за пријавување на креативни проекти е веќе отворен, а промотивната понуда Super Early Bird трае до 25 април.
Во меѓувреме, организаторите на фестивалот го објавија составот на стручното жири за натпреварувачката секција “Craft” („Занает“). Оваа секција им оддава признание на извонредната креативност и исклучителната изведба во клучните области на продукцијата во огласувањето и комуникациите. Наградите во оваа секција ги слават најдобрите практики кои ги подигнуваат стандардите на „занаетството“ во индустријата.
Овогодишен претседател на жирито ќе биде Јулија Нојман, генерален креативен директор и партнер во агенцијата Le Truc од САД, иновативен лидер во огласувањето која ја обликува иднината на светските брендови. Претходно, Јулија работела во повеќе престижни агенции, вклучувајќи ги Johannes Leonardo, TBWA/Chiat Day, Saatchi & Saatchi, Wieden+Kennedy, BBH, MullenLowe и Y&R. Таа има соработувано со врвни огласувачи како што се Kraft Heinz, Instagram, Uber и Volkswagen, испорачувајќи револуционерни кампањи како „Unfrosted“ (Kellanova Pop-Tarts), „Billie Jean King Your Shoes“ (Adidas), „FlyBabies“ (JetBlue) и „Major Melon“ (MTN Dew).
Кариерата на Јулија е дефинирана со наградувани проекти и влијателни кампањи кои ја обликуваат културата на индустријата. Признаена од Business Insider како една од најкреативните жени во огласувањето во 2013, 2014 и 2016 година, вклучена на листата на креативци што треба да ги знаете на AdAge во 2016 година и прогласена за дел од Топ 100 листата на Adweek за агенциски лидери кои треба да се следат во 2020 година.
Заедно со неа, истакнат тим од професионалци ќе ги оценуваат најдобро изведените креативни дела, составен од:
- Никола Фоктова, креативен директор, Publicis Groupe, Чешка
- Микеле Маријани, извршен креативен директор, Armando Testa Group, Италија
- Гергана Минчева, креативен директор, Next DC, Бугарија
- Грејс О’Брајан, креативен директор, AKQA Amsterdam, Холандија
- Нурлан Сатаров, креативен директор, Cheil Worldwide, Казахстан
- Богдан Теодореску, извршен креативен директор, VML, Романија
- Зејнеп Тонгуч, основач и креативен директор, PEP Brand Agency, Турција
- Анселмо Тумпиќ, креативен директор и ко-основач, Studio Tumpić/Prenc, Хрватска
„Занаетството е разликата помеѓу нешто што ќе го заборавите за пет секунди и нешто што ќе ви влезе под кожа и ќе остане таму. Во свет кој се „дави“ во содржина и кратенки, занаетот е последниот чесен диференцијал. Тоа е она што го покажува човекот зад работата, расудувањето, опсесивноста, воздржаноста и ризикот. Со вештачката интелигенција во моментот, знаеме дека може да реплицира шаблони, но не може да ги реплицира смелоста, или добриот вкус, или она што ви предивикува морници кога нештото е баш како што треба“ – посочува Јилија Нојман, претседателка на овогодинешното жири за секцијата Craft, додавајќи: „Затоа, возбудена сум што ќе го водам овогодинешното Craft жири на Golden Drum. Да ги славиме оние креативни дела кои се радикални, кои не може да се импровизираат, да се направат по шаблон или да се изведат на друг начин. Дела кои внимаваат на ситниците. Дела кои ни предизвикуваат љубомора. Дела што нè потсетуваат зошто воопшто влеговме во овој бизнис.“
Повеќе информации за фестивалот Golden Drum, достапните натпреварувачки категории и начинот на пријавување, се достапни на следниот ЛИНК.
