Агенциите сега ќе имаат рок до 15 октомври за да ги пријават своите кампањи. Онлајн церемонијата на доделување на наградите е закажана за 17 декември
Epica Awards, единствените глобални креативни награди доделувани од страна на новинарите, објави продолжување на рокот за пријавување до 15 октомври. Промената се должи на турбуленциите предизвикани од пандемијата, а сé со цел да се привлече максималниот број на одлични креативни кампањи кои ќе се најдат пред жирито.
Наградното жири ќе гласа онлајн, а листата со кампањи кои ќе влезат во потесниот избор ќе биде објавена на 1 декември.
Онлајн церемонијата на доделување на наградите и видео претставувањето на победниците ќе се одржи на 17 декември – еден месец подоцна од претходните години.
Како и вообичаено, пријавените креативни кампањи ќе бидат оценувани не само од страна на уредници и искусни новинари од водечките светски наслови во областа на адвертајзингот, маркетингот и дизајнот, туку и од специјализирани автори во области како модата, финансиите и храната.
Дел од овогодинешното жири на Epica Awards е и Маркетинг365, заедно со реномирани светски медиуми кои ја следат адвертајзинг и маркетинг индустријата како Adweek, Campaign, Stratégies, PR Week, Creative Review, Business Insider, Forbes, Russia Today, The Drum и други.
Целосната листа на членови на жирито може да се погледне на следниот линк.
„Кризата преврти сé наопаку, но ние сме воодушевени што церемонијата на Epica Awards сепак ќе се одржи, дури и ако форматот е виртуелен. Ние ќе се стремиме на победничките кампањи да има ја овозможиме најдобрата можна презентација. Едно нешто е сигурно: нашето жири на новинари се секогаш спремни да го покријат настанот, така што ПР можноста за пријавените кампањи останува недопрена,“ посочи Марк Тунгејт, уреднички директор на Epica Awards и модератор на жирито.
Наградите Epica ги покриваат сферите на адвертајзингот, дизајнот, медиумите, односите со јавноста и дигиталните технологии. Наградите се отворени за пријавување и сите заинтересирани учесници може да се регистрираат и пријават на следниот линк.
