Меѓународниот огласувачки фестивал Golden Drum го продолжи рокот за пријавување на креативни проекти во својот натпреварувачки дел. Новиот и конечен рок за пријавување е 8 септември 2025 година.
Ова продолжување им овозможува на агенциите дополнително време за финализирање и усовршување на своите пријави. „Ги охрабруваме сите учесници да ја искористат оваа можност и да се погрижат нивните проекти да ги одразуваат највисоките стандарди на креативноста и извонредноста“ – посочуваат од фестивалот.
Пријавите може да се поднесат преку официјалната платформа на следниот ЛИНК.
Овогодинешното, 31-во издание на фестивалот Golden Drum ќе се одржи на 13 и 14 октомври 2025 во Порторож, Словенија. Покрај натпреварувачкиот дел, фестивалот ќе вклучува и конференциски дел.
Програмата на фестивалот обединува извонредна комбинација на легенди, визионери и пионери, подготвени да инспирираат, предизвикуваат и мотивираат. Од проникливи предавања до интерактивни тематски сесии, фестивалската сцена е подготвена за смели идеи кои ќе заземат централно место.
Сите информации поврзани со фестивалот, вклучувајќи ја програмата и начините на учество, се достапни на официјалниот веб-сајт www.goldendrum.com.
