Вечерта на 6 март, во хотел Мериот во Скопје, се одржа свечената церемонија за наградување на победниците во националниот избор за најдобри настани за 2023 година во организација на Асоцијацијата на ивент индустријата на Македонија (ИВАП).
Фестивалот БЕАМ (Best of event awards Macedonia) има за цел да ги наградува најдобрите и најуспешни настани во Македонија на годишно ниво, а произлезе како потреба за мапирање на индустријата и валоризирање на работата на професионалците.
Согласно изборот на стручното жири, најдобрите настани во Македонија за 2023 година, по категории, се:
- Најдобар културен / музички настан – ХАЈНЕКЕН 150 DJ ЗА 150 ГОДИНИ НЕЗАБОРАВНИ ИСКУСТВА – Публицис Груп
- Најдобар фестивал / манифестација – ЗИМСКА ПРИКАЗНА – Општина Битола
- Најдобар корпоративен настан – ENTER THE RED – ВЛЕЗИ ВО ЦРВЕНОТО – Њу Момент Њу Идеас Компани
- Најдобар самит, конгрес или конференција – КОНФЕРЕНЦИЈА „ЧУВАРИ НА МУДРОСТА“ Маркетинг агенција Ефектива
- Најдобар настан за бренд активација / промоција на нов производ или услуга – ХАЈНЕКЕН 150 DJ ЗА 150 ГОДИНИ НЕЗАБОРАВНИ ИСКУСТВА – Публицис Груп
- Најдобар експо (саем) – SKOPJE AIR FAIR – Авикон
- Најдобар прес / пр настан – УБАВИНА ШТО НОСИ ПРОМЕНИ – Њу Момент Њу Идеас Компани
- Најдобар НВО настан – ИГРАМЕ ЗАЕДНО ПАК – Аутизам ААМК
- Најдобар спортски настан – ВИЗ ЕР СКОПСКИ МАРАТОН – Сојуз на спортови на Скопје
- Најдобра (бтл) агенција за настани – ПУБЛИЦИС ГРУП
- Најдобра рентал компанија – О3 ИНВЕСТ
- Најдобар добавувач – О3 ИНВЕСТ
- Специјално признание – АЕРОМИТИНГ „100 ГОДИНИ МАКЕДОНСКА АВИЈАЦИЈА“ на Аероклуб Скопје, како признание за одбележување значаен јубилеј.
Упатуваме честитки до сите учесници и победници на настанот, со надеж дека овие награди ќе ги мотивираат во нивната натамошна успешна работа.
Во продолжение погледнете неколку фотографии од наградната церемонија:
