Изминатите два дена во Порторож, Словенија, се одржа 31-то издание на меѓународниот огласувачки фестивал Golden Drum, а круна на настанот беше вечерашната церемонија на доделување награди, одржана во партнерство со Mastercard.
Golden Drum 2025 ги прослави најистакнатите креативни остварувања од 40 земји низ Европа. Коментирајќи за овогодинешните добитници, Мојца Бришчик, претседателка на Golden Drum, изјави: „Golden Drum ги обедини некои од најимагинативните и највизионерски умови во вртлог на идеи, дебати и инспирација. Од тие дискусии се издвоија најисклучителните дела – обележани со оригиналност, храбро размислување и мајсторска изведба – поставувајќи нови стандарди за креативна извонредност. На сите наши добитници и финалисти – вашиот талент, посветеност и страст кон креативноста навистина го заслужија ова признание.“
Жири-комисиите на Golden Drum 2025 препознаа извонредни креативни дела, доделувајќи вкупно 55 бронзени награди, 40 сребрени награди, 27 златни награди и 15 Grand Prix награди, избрани од 229 номинирани проекти.
Престижната титула „Агенциска мрежа на годината“ ја доби McCann Worldgroup.
За „Агенција на годината“ беше прогласена LePub, Милано.
Наградата за „Независна агенција на годината“, поддржана од NLB, ја освои агенцијата Ain’t.
Publicis Media ја доби титулата „Медиска агенција на годината“.
Признанието за „Продукциска агенција на година“ ѝ припадна на Organic Film.
Heineken ја доби престижната награда за „Бренд на годината“, поддржана од Poli, за извонредно креативно достигнување.
Во категоријата All Juries, наградите за „Најдобро од локалниот дух“ и „Најдобро од општественото добро“ беа доделени на агенцијата McCann Athens за проектот „The Wedding Rice“, создаден за клиентот Wikifarmer.
Наградата за иновативност „Game Changer“, поддржана од Telemach Slovenija, ја доби агенцијата LePub, Милано, за проектот „Fixables“, создаден за клиентот Philips.
Специјалната титула „Јадранска агенција на годината“, поддржана од Zavarovalnica Triglav, ја освои агенцијата Via Media од Сараево, Босна и Херцеговина.
Престижното признание за „Креативен директор на годината“ му беше доделено на Панос Пагонис, креативниот директор од McCann Athens, за кампањата „The Wedding Rice“.
Во рамките на свечената вечер, Марцин Сосињски, генерален креативен директор на Dentsu Creative Poland & CEE, беше воведен како најнов член на Golden Drum Hall of Fame, приклучувајќи се на избрана група креативни визионери кои не само што биле инспирација, туку и длабоко влијаеле врз светот на креативноста каков што го познаваме денес.
Победници во натпреварот за млади креативци
Во натпреварот Young Drummers, реализиран во соработка со Mastercard Slovenia, победија Војтех Ваник и Јоана Сантариус од агенцијата Saatchi & Saatchi Prague, со нивната победничка серија постери „Being Accepted Since 1980“.
***
Сите пријавени и наградени кампањи на Golden Drum 2025 можат да се разгледаат на следниот ЛИНК.
