Повеќе од 120 посетители се дружеа и договараа бизнис-зделки на новото издание на најпрестижниот бизнис-нетворкинг настан во државава, Бизнис Кафе Македонија, кој се одржа минатиот четврток во кафе-бар Каса во Дебар Маало во Скопје.
Посетителите има можност да ги слушнат и запознаат гостите говорници: Г- динот Зоран Витанов претседател на Асоцијацијата на менаџери на Македонија, тренер и претприемач, Г-ѓата Вилма Учета Дузлевска – Генерален дирекор на Кроација осигурување – Живот и Г- динот Марио Јовановски – персонален фитнес тренер и инструктор, кои пред присутните ги споделија своите бизнис приказни, позитивни и негативни искуства и споделија дел од тајните кои им поммагаат да се мотивираат и својата енергија да ја насочат кон остварување на нови успеси.
