Интернационалниот фестивал за креативност Cannes Lions, водечката светска манифестација за креативни вештини во комуникациите, денес соопшти рекорден број на пријавени кампањи со вкупно 40 133 кампањи добиени преку Cannes Lions (21-27 Јуни), Lions Health (19-20 Јуни) и Lions Innovation (25-26 Јуни).
Филип Томас, CEO на Lions Festivals, истакна дека бројот на пријавени кампањи покажува “индустрија која верува во моќта на креативноста како движечка сила за бизнисот и брендовите. Lions е мерило за голема креативност, и забавно е да се гледа како маркетерите на глобално ниво се притискаат самите себе и нивните агенциски парнери да создаваат навистина инзворедни кампањи, и дека имаат самодоверба да ги донесат на Cannes Lions да се натпреваруваат на светска сцена”.
Категориите на Cannes Lions кај кои има значајно зголемување се Creative Effectiveness која се дуплира, Film (+8%), Branded Content & Entertainment (+18%) и Film Craft (+6%). “Особено е интересно да се види вакво значајно зголемување во овие категории”, продолжи Томас. “Creative Effectiveness се дуплира, додавајќи уште повеќе докази за креативноста како водач на бизнисот, додека катеориите Film, Film Craft и Branded Content & Entertainment покажуваат колку се важни овие алатки при кажувањето на некоја приказна.”
“Две области во кои се бележи опаѓање се Press и Outdoor категориите. Иако изгледа дека добро документираните предизвици на овие медиуми можат да стојат зад ова опаѓање, треба да бидеме претпазливи при давањето избрзани заклучоци базирани врз податоци од само една година. На пример, кетгоријата Radio се намалуваше неколку години, но оваа година скоро се врати на најголемиот број пријавени кампањи што досега ги имала”, додаде Томас.
Glass Lion: The Lion for Change, новата категорија на Фестивалот која се однесува на проблемите на полова нееднаквост или предрасуди, доби 166 пријавени кампањи во својата прва година. Сите приходи ќе одат во добротворни цели кои ќе бидат избрани од листа на десет од страна на делегатите на Cannes Lions за време на Фестивалот.
Lions Health, светскиот креативен Фестивал за комуникации во здравството, доби 1 862 пријавени кампањи во својата втора година, покачување од 30%. Деректорот на Фестивалот, Луис Бенсон, го препишува ова на “растечката креативна самодоверба во индустрија која треба да работи во рестриктивни рамки”. Таа додаде дека “постојат јасни показатели дека луѓето се одлучени да ги надминат овие граници и да прифатат предизвици, во голема мера поради високите лични и опипливи резултати кои може да се постигнат”.
Lions Innovation, новиот Фестивал на кој ќе се гледа како податоците, технологијата и креативноста се вкрстуваат, доби 226 пријавени кампањи во категоријата Innovation и 619 пријавени кампањи во категоријата Creative Data. Јапонија, Обединетото Крлство, САД и Германија се државите кои се истакнуваат кога се во прашање бројките. Тери Севиџ, Претседател на Lions Festivals, коментираше дека тоа е “многу силен старт за Фестивлот и симболично го покажува поместувањето на индустријата која гледа на податоците и технологијата како неопходни креативни алатки”.
Број на пријавени кампањи за 2015 по категории: | |
Branded Content & Entertainment Lions | 1,394 |
Creative Data Lions | 619 |
Creative Effectiveness Lions | 160 |
Cyber Lions | 3,738 |
Design Lions | 2,409 |
Direct Lions | 2,813 |
Film Lions | 3,070 |
Film Craft Lions | 2,205 |
Glass lion: The Lion for Change | 166 |
Health & Wellness Lions | 1,430 |
Innovation Lions | 226 |
Media Lions | 3,179 |
Mobile Lions | 1,246 |
Outdoor Lions | 5,037 |
Pharma Lions | 432 |
PR Lions | 1,969 |
Press lions | 4,470 |
Product Design Lions | 280 |
Promo & Activation Lions | 3,196 |
Radio Lions | 1,720 |
Titanium and Integrated Lions | 374 |
ВКУПНО | 40,133 |
Доделувањето на наградите за 2015 ќе се одржи во Кан, Франција, каде 336 ‘судии’ од целиот свет ќе се сретнат да дебатираат, дискутираат и гласаат за пријавените кампањи пред да бидат доделени многу посакуваните Lion статуетки. Повеќе инфорамции за Фестивалот и наградите, вклучувајќи ги и категориите за пријавување, делегатите и содржините на програмите може да се најдат на www.canneslions.com.