Брендот за спортска опрема Adidas го ангажираше анимираното комично дуо Рик и Морти за да ги промовира своите нови фудбалски копачки X Speedportal.
Во центарот на кампањата се наоѓа анимиран спот од 90 секунди во кој се појавува научникот Рик, кој возбудено го буди внукот Морти велејќи му дека ќе стане „фудбалска ѕвезда“ со помош на нови фудбалски копачки.
Рик потоа го носи во неговата лабораторија, каде што „консензуалната наука“ го предизвикува египетскиот фудбалер Мо Салах да му ги предаде на Морти неговите таленти на „дриблинг и финиш“, а холандската фудбалерка Вивијан Мидема да му ја даде моќта на „напаѓачот“ преку пар Adidas копачки.
Откако ќе исчезнат преку еден портал, тие се појавуваат во „Меѓународен нелиценциран куп на Земјата“ каде Морти постигнува гол и ја освојува наградата за „Најдобар играч на Земјата“ – благодарение на неговите нови копачки.
Кампањата е создадена со помош на креативната агенција TBWA\Neboko.
