Како долгогодишен поддржувач на Параолимпиското движење, Samsung ќе го отвори параолимпиското искуство за спортистите со олимпиското издание Galaxy Z Flip6 Olympic Edition и ќе ги покани навивачите да го почувствуваат параолимпискиот дух на изложбените простори низ целиот град
Samsung Electronics, светски олимписки и параолимписки партнер, ќе ја искористи моќта на технологијата Galaxy за да продолжи да поддржува поврзани искуства за спортистите и навивачите на Параолимписките игри Париз 2024, помагајќи им да создадат трајни спомени од игрите.
Централната порака на Samsung за Париз 2024 е „Отвореноста секогаш победува“, што го изразува верувањето дека со отворен ум секое ново искуство станува значајно постигнување — чувство кое го отелотворуваат спортистите кои се натпреваруваат на Параолимписките игри. Samsung ќе ја прослави отвореноста и истрајноста што ја покажуваат параолимпијците, користејќи ја својата најнова мобилна технологија за да отвори нови искуства и можности за спортистите, навивачите и остатокот од светот за време на Параолимписките игри Париз 2024.
„Samsung е партнер на Параолимписките игри речиси две децении и како посветени поддржувачи на Параолимпиското движење, горди сме што помагаме да се обезбеди најдоброто можно искуство за време на игрите за спортистите, навивачите, гледачите и волонтерите на Параолимписките игри Париз 2024 со нашата најнова мобилна технологија“, рече Стефани Чои (Stephanie Choi), извршен потпретседател и раководител на одделот за маркетингот на Mobile eXperience Business во Samsung Electronics. „Чест ни е што можеме да ги приближиме навивачите ширум светот до нивните омилени параолимпијци, нивните приказни и бескомпромисниот дух додека тие отвораат нови патишта и инспирираат големина.“
Континуирана поддршка на Параолимпиското движење
Поддршката на Samsung за Параолимписките игри Париз 2024 година следи по 18-годишното партнерство кое започна на Зимските параолимписки игри во Торино 2006 година. Во текот на овој период, Samsung ја користеше својата мобилна технологија за да ги вклучи и инспирира навивачите и поддржувачите, подигнувајќи ја свесноста за Параолимпиското движење. Демонстрацијата „Дијалог во темнина“ на Параолимписките игри во Сочи во 2014 година им овозможи на посетителите на Galaxy Studio Olympic Park да го искусат денот во животот на лице со оштетен вид, помагајќи им на посетителите да ги разберат предизвиците со кои може да се соочат од нивна перспектива. Слично на тоа, на Параолимписките зимски игри во Пјонгјанг во 2018 година, посетителите на изложбениот простор на Samsung можеа да ја пробаат функцијата Relúmĭno во комбинација со Samsung Gear VR, која им помогна на оние со слаб вид да го видат светот појасно. Samsung ќе продолжи да ја промовира спортската извонредност и споделените вредности отелотворени од параолимписките спортисти преку својата континуирана поддршка на Параолимписките игри Париз 2024.
Шампионскиот тим на Samsung Galaxy пионери
За Параолимписките игри Париз 2024, Samsung го поддржува својот Samsung Galaxy тим. Овој тим на пионери, избрани поради нивното влијание на и вон спортските терени, ги вклучува францускиот слеп фудбалер и носител на олимпискиот факел Иван Вуанџи (Yvan Wouandji) и параолимпијците Јоханес Флорс (Johannes Floors, пара атлетика, Германија), Медисон Де Розарио (Madison De Rozario, пара атлетика, Австралија), Уго Дидие (Ugo Didier, пара пливање, Франција), Хе-џин Ким (Hee-jin Kim, голбoл, Јужна Кореја), Кадина Кокс (Kadeena Cox, пара велосипедизам и пара атлетика, Велика Британија) и Десирее Вила (Desirée Vila, пара атлетика, Шпанија). Спортистите ги споделија своите ставови за поддршката од Samsung;
- Уго Дидие (Ugo Didier): „Параолимписките игри Париз 2024 се посебни бидејќи се одржуваат во мојата татковина. Освен на конкуренцијата, сакам на сите да им покажам дека со доволна посветеност, секој може да се натпреварува на спортски настани и да постигне светски резултати, без оглед на инвалидитетот, па затоа сум благодарен што соработувам со Samsung за да ја споделам оваа порака.”
- Медисон Де Розарио (Madison De Rozario): „Технологијата игра значајна улога во целото наше спортско движење. За да имате вистинско влијание врз навивачите и луѓето, треба да бидете способни да се поврзете со нив, да научите кои се тие, и тие да знаат кој сте вие. Чест ми е што имам поддршка од Samsung додека се подготвувам за моите петти Параолимписки игри за да ги приближам луѓето ширум светот до Параолимпиското движење.”
- Јоханес Флорс (Johannes Floors): „За да бидете успешен параолимпиец, неопходна е одлучност, но, исто така, е потребна искрена саморефлексија, способност за прифаќање критика, прецизен инженеринг и отвореност за нови и иновативни пристапи кои на крајот ве водат до успех. Пресреќен сум што работам со Samsung, кои ги споделуваат овие вредности и ги одразуваат во своите иновации.”
Исто така, во мај Samsung го објави својот филм Voices of Galaxy, кој ја прикажува приказната на Јоханес Флорс (Johannes Floors) – неговата мотивација, решителност и страст да има влијание врз следната генерација.
Користење на најновата технологија за незаборавно искуство за време на игрите
За да го подобри искуството на спортистите, Samsung обезбедува речиси 5,000 олимписки изданија Galaxy Z Flip6 Olympic Edition за параолимпијците кои ќе се натпреваруваат на игрите. Ова ексклузивно издание има вграден сет на услуги и апликации за да им помогне на спортистите да уживаат во Париз и лесно да управуваат со сите аспекти на своето искуство за време на игрите. Galaxy Z Flip6 Olympic Edition ги поддржува најновите Galaxy AI функции — како и функциите за пристапност — осигурувајќи дека сите параолимпијци ќе имаат најдобро можно искуство.
Функцијата Преведувач[1], која инстантно преведува разговори во живо, ќе им овозможи на сите параолимпијци да се поврзат со колегите спортисти од целиот свет. Bixby Vision за пристапност (Bixby Vision for Accessibility), која дава аудио описи на сликите и опкружувањето на корисникот и Relúmĭno преглед (Relúmĭno outline), која го подобрува контрастот и осветленоста на екранот или ги изострува контурите на сликата за да се зголеми видливоста, им овозможува на спортистите со слаб вид беспрекорно да се движат на локациите за натпреварување и да останат поврзани со обожавателите што го следат нивното патување на Олимписките игри Париз 2024.
Отворање на искуства за навивачите за да се поттикне параолимпискиот дух
Започнувањето на Параолимписките игри, исто така, означува нов бран на популарната колекција на беџови „Samsung Olympic Games“ која ќе може да се види на целосно достапните изложбени простори Olympic™ rendezvous @ Samsung на Шанзелизе 125 и на плоштадот Марини во Париз. Навивачите на Параолимписките игри можат да учествуваат во Galaxy AI активации за да ја комплетираат својата колекција од 16 специјално дизајнирани беџови, која вклучува четири параолимписки спортови — слеп фудбал, пара атлетика, кошарка во инвалидска количка и тенис во инвалидска количка — за да добијат нов Galaxy Z Flip6 и шанса да освојат патување за двајца на Милано-Кортина 2026. Навивачите, исто така, ќе имаат можност да учествуваат во интерактивно патување низ богатото наследство на Samsung кое се однесува на Олимписките и Параолимписките игри и да ја испробаат најновата Galaxy технологија на самите локации. Дополнително, Samsung планира да организира серија настани и гостувања во изложбените простори Olympic™ Rendezvous @ Samsung во текот на игрите за да лично ги запознае навивачите со нивните омилени параолимписки спортисти.
Навивачите и посетителите можат да ги слават игрите и да се приближат до најновата технологија на Samsung на локациите на Olympic™ rendezvous @ Samsung кои ќе бидат отворени за време на Параолимписките игри Париз 2024:
- Olympic™ rendezvous @ Samsung на плоштадот Марини ќе биде повторно отворен на 29 август од 10:00 до 22:00 часот до 8 септември.
- Olympic™ rendezvous @ Samsung на Шанзелизе 125 е отворен од 10:00 до 20:00 часот од понеделник до сабота и од 11:00 до 20:00 часот во недела, сè до 31 октомври.
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
За вклученоста на Samsung во Параолимписките игри
Samsung е светски партнер на Меѓународниот параолимписки комитет (IPC) во категоријата уреди за безжични комуникации и компјутерска опрема. Почнувајќи од зимските Параолимписки игри во Торино во 2006 година, компанијата гордо го поддржува Параолимпиското движење и им овозможува на спортистите и навивачите ширум светот да ја споделат возбудата и инспирацијата од игрите преку трансформативната мобилна технологија на Samsung. Посветеноста на Samsung на Параолимписките игри ќе трае до Олимпијадата во Лос Анџелес во 2028 година и ќе се слави преку иновативни мобилни и компјутерски искуства поттикнати од целни иновации во категоријата уреди за безжични комуникации и компјутерска опрема, вклучувајќи уреди со вештачка интелигенција, виртуелна реалност, проширена реалност и 5G.
***
[1] Функцијата Преведувач бара најавување на сметката на Samsung. Одредени јазици може да бараат преземање јазичен пакет. Достапноста на услугата може да се разликува во зависност од јазикот. Точноста на резултатите не е загарантирана. Достапноста и поддржаните функции може да се разликуваат во зависност од земјата, регионот или операторот. Достапноста на поддржаните јазици може да варира.
