Новите паметни телефони од серијата Galaxy A за првпат донесуваат феноменална интелигенција (Awesome Intelligence), напредни камери и подобрена издржливост
Samsung Electronics Co., Ltd денес ги претстави Galaxy A56 5G, Galaxy A36 5G и Galaxy A26 5G, најновите паметни телефони од серијата Galaxy A. По првпат, серијата Galaxy A интегрира феноменална интелигенција (Awesome Intelligence), вклучувајќи ги омилените функции со вештачка интелигенција од Galaxy за реобмислување на креативноста, додека истовремено донесува подобрена издржливост и долготрајност, како и силна безбедносна заштита на приватноста, обезбедувајќи безбедно и долготрајно мобилно искуство.
„Новата серија Galaxy A претставува важен чекор во нашата мисија за вештачка интелигенција за сите, отворајќи ги неверојатните мобилни AI искуства на Galaxy за уште повеќе луѓе низ целиот свет,“ изјави TM Roh, претседател и раководител на Mobile eXperience (MX) Business во Samsung Electronics. „Со овие феноменални нови функции и способности, возбудени сме што ќе овозможиме неограничена креативност во серијата Galaxy A, додека во исто време обезбедуваме безбедно, доверливо и забавно мобилно искуство.“
Феноменална интелигенција (Awesome Intelligence) за напредно пребарување и креативност
Феноменалната интелигенција (Awesome Intelligence) е првата сеопфатна мобилна вештачка интелигенција која е ексклузивно достапна на Galaxy A56 5G, Galaxy A36 5G и Galaxy A26 5G и им нуди на корисниците моќни, забавни и лесни за користење AI алатки. Поддржана од One UI 7, новите функции на Awesome Intelligence донесуваат неверојатни искуства за пребарување и визуелни искуства за корисниците на серијата Galaxy A.
Како омилена функција на уредите од серијата Galaxy A минатата година, подобрената Пребарување со заокружување¹ со Google (Circle to Search with Google) го прави пребарувањето и откривањето од екранот на телефонот полесно од кога било. Со најновите надградби, корисниците сега можат многу повеќе со своите телефони. Функцијата Пребарување со заокружување побргу препознава телефонски броеви, емаил адреси и и URL-адреси на екранот и помагајќи им на корисниците да извршат дејство со еден допир.
Со најновите подобрувања на функцијата Пребарување со заокружување, корисниците можат веднаш да пронајдат песна која во моментот ја слушаат, без да менуваат апликации. Без разлика дали песната се слуша од социјалните мрежи на уредот или од звучник во непосредна близина, едно долго држење на копчето за навигација ќе ја активира функцијата Пребарување со заокружување и еден допир на копчето за музика без проблем ќе го идентификува насловот на песната и изведувачот.
Серијата Galaxy A го носи искуството со камерата на ново ниво со алатки фокусирани на креаторите, почнувајќи од моќен систем со три камери кој вклучува 50MP главна леќа на сите уреди и снимање на 10-bit HDR предна леќа на Galaxy A56 5G и Galaxy A36 5G за светли и остри селфи фотографии. Galaxy A56 5G ја поседува водечката камера технологија со 12MP ултра-широка леќа, додека целата серија Galaxy A овозможува креативност на нови и возбудливи начини преку интелигентно визуелно уредување.
Ексклузивно достапна на Galaxy A56 5G, функцијата Best Face² го олеснува уловувањето на совршената групна фотографија така што избира и комбинира најдобри изрази или карактеристики за до пет лица од движењата на фотографијата. Без разлика дали некој трепнал или погледнал настрана, Best Face обезбедува дека секој ќе изгледа најдобро во еден, беспрекорен кадар. Galaxy A56 5G исто така носи подобрувања во Nightography³, со Low Noise Mode кој стигнува до 12MP селфи камерата и дополнителна поддршка за широката камера за снимање на воодушевувачки содржини во услови на слаба осветленост.
Galaxy A56 5G, Galaxy A36 5G и Galaxy A26 5G сите носат подобрена функција за бришење објекти (Object Eraser⁴), која им овозможува на корисниците да ги отстранат непожелните нарушувања од фотографиите. Без разлика дали станува збор за случаен минувач во кадарот или за нарушувачка сенка, корисниците можат рачно или автоматски да изберат објекти за да ги избришат, постигнувајќи почист и поуспешен конечен изглед со само неколку допири. Покрај тоа, филтрите (Filters⁵) овозможуваат креирање прилагодени филтри преку извлекување бои и стилови од постоечките фотографии за корисниците да применат уникатен и персонализиран ефект во зависност од расположението и вкусот. Со овие интелигентни алатки, корисниците можат без напор да ги усовршат и подобрат своите фотографии, донесувајќи ново ниво на креативност во секој кадар.
Создадени да траат, со унапредени екрани и софтверска долготрајност
Сега, со до шест генерации ажурирање на Android OS и One UI и шест години безбедносни надградувања, серијата Galaxy A дополнително го засилува својот софтверски век на траење. Овие ажурирања додаваат дополнителна поддршка за оптимизирање на животниот циклус на уредот, грижејќи се корисниците да уживаат во глатко и доверливо искуство во годините кои доаѓаат.
Galaxy A56 5G и Galaxy A36 5G исто така воведуваат поголем екран креиран за висококвалитетно, имерзивно искуство при гледање. Двата уреди имаат 6.7-инчен⁶ FHD+ Super AMOLED екран со нивоа на осветленост кои достигнуваат до 1200 нити⁷, овозможувајќи поприродно и имерзивно искуство при забавата. Новите стерео звучници дополнително го подобруваат искуството со богат и балансиран звук.
Со батерија од 5,000mAh вклучена во сите модели, новата серија Galaxy A е дизајнирана да го следи секојдневниот ритам на корисниците. Galaxy A56 5G и Galaxy A36 5G поддржуваат 45W моќност за полнење и Super Fast Charge 2.0 технологија, обезбедувајќи уште побрзо полнење за продолжена употреба. Двата модели исто така обезбедуваат подобрени перформанси, бидејќи Galaxy A56 5G е поддржан од чипсетот Exynos 1580, а Galaxy A36 5G има платформа Snapdragon® 6 Gen 3 Mobile. Поголемата парна комора во двата уреди помага да се одржат перформансите, осигурувајќи непречено играње, репродукција на видеа и безнапорен мултитаскинг.
Покрај перформансите, новата серија Galaxy A е создадена да издржи и во непредвидливите моменти во животот. По првпат, Galaxy A26 5G има IP67 заштита од прашина и вода за силна заштита од овие елементи, што е исто така присутно на Galaxy A36 5G и Galaxy A56 5G⁸. Дополнително, напредниот материјал Corning® Glass додава слој на издржливост против гребнатини и пукнатини⁹.
Обезбедена проширена заштита за безбедност и приватност
Благодарение на интеграцијата на One UI 7 во серијата Galaxy A, по првпат Samsung дополнително ја поддржува силната безбедност и приватност. Со Samsung Knox Vault, серијата Galaxy A обезбедува дополнителен, засилен слој на безбедност на уредот, транспарентност и избор за корисникот, осигурувајќи дека чувствителните податоци секогаш ќе останат заштитени. Опремени со најновите функции за безбедност и приватност на One UI 7, корисниците на серијата Galaxy A имаат корист од холистичка заштита, вклучувајќи подобрувања во Theft Detection, повеќе безбедносни поставки и други функции¹⁰.
Samsung исто така ќе ја лансира едицијата Galaxy A56 5G Enterprise¹¹, кој нуди мобилни искуства подготвени за бизнис за најновите претпријатија од било која големина. Корисниците на Enterprise имаат корист од седум години безбедносни и One UI надградувања, три години гаранција и гаранција за животен циклус на производот од две години, за да осигураат долгорочна и безгрижна адаптација. Исто така, вклучува едногодишна лиценца за Knox Suite – Enterprise Plan, најдоброто пакување за заштита и управување со големи и комплексни флоти на уреди преку контрола на надградби на оперативниот систем, анализа на користењето на уредите, интелигентни безбедносни сознанија и ексклузивни функции специјално создадени за потребите на претпријатијата.
Новата серија Galaxy A е достапна во различни бои[1]². Galaxy A56 5G е достапен во феноменална графитна, феноменална светлосива, феноменална маслинеста и феноменална розова боја. Galaxy A36 5G е достапен во феноменална лаванда, лимета, бела и црна боја, а Galaxy A26 5G е достапен во црна, бела и ментол зелена боја.
За да дознаете повеќе за Galaxy A56 5G, Galaxy A36 5G, Galaxy A26 5G and other Galaxy паметни телефони, посетете ја страницата samsung.mk.
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
—————————-
¹Circle to Search е заштитен знак на Google LLC. Секвенците се скратени и симулирани. Резултати само за илустративни цели. Достапноста на услугата може да се разликува во зависност од земјата, јазикот, моделот на уредот. Потребна е интернет врска. Корисниците можеби ќе треба да ги ажурираат апликациите за Android и Google на најновата верзија. Резултатите може да се разликуваат во зависност од визуелните или аудио совпаѓањата. Точноста на резултатите не е загарантирана. Работи на компатибилни апликации и површини и само со амбиентална музика. Нема да ја идентификува музиката што доаѓа преку слушалките или ако јачината на звукот на телефонот е исклучена.
²Функцијата Best Face е достапна исклучиво на уредот Galaxy A56 5G од серијата Galaxy A. Best Face е достапна само за фотографии направени со вклучена Motion Photo. Функцијата не генерира нови изрази на лицето, туку избира од рамки во видео клипот Motion Photo. Може да препознае до пет лица по слика и да предложи до три алтернативни изрази по лице.
³ Резултатите може да се разликуваат во зависност од светлосната состојба и/или условите на фотографирање, вклучувајќи повеќе предмети, да се надвор од фокусот или објекти што се движат.
⁴Резултатите може да се разликуваат врз основа на сликите и предметот што се обидувате да го отстраните.
⁵Функцијата за филтри е недостапна во поставките за сооднос од 3:4 64 MP. Неговата достапност може да се разликува врз основа на моделот на вашиот уред и верзијата на софтверот. Достапноста на филтерот може да се разликува врз основа на поставките за резолуција и сооднос.
⁶Мерено дијагонално, големината на екранот е 6,7″ во целосниот правоаголник и 6,5″ со заоблените агли. Вистинската површина за гледање е помала поради заоблените агли и дупката на камерата.
⁷1.200 нити во HBM (режим на висока осветленост).
⁸Врз основа на условите за лабораториски тестови за потопување во до 1 метар слатка вода до 30 минути. Не се препорачува за употреба на плажа или базен. Отпорот на вода и прашина на уредот не е постојан и може да се намали со текот на времето поради нормалното абење и кинење.
⁹Corning® Gorilla® Glass Victus®+ е аплицирано на предната и задната страна на Galaxy A56 5G, Galaxy A36 5G и Galaxy A26 5G.
¹⁰Достапноста, карактеристиките и спецификациите дадени во статијата се предмет на промена и може да варираат во зависност од пазарот и/или моделот.
¹¹Достапноста може да варира во зависност од земјата или регионот.
¹²Достапноста на бојата и моделот може да се разликуваат во зависност од земјата, регионот или операторот.
