На 7 мај, технолошкиот гигант Apple објави реклама во која огромна хидраулична преса смачкува музички инструменти, уметнички материјали, книги и игри. Со цел да го промовира новиот iPad Pro таблет, рекламата требаше да покаже како еден тенок уред може да ги замени сите претходно наброени работи.
Резултатот беше спротивен од она што се надеваше Apple, па следуваше „лавина“ на негативни коментари и реакции, со обвинувања дека брендот ги уништува симболите на човечката креативност и културни достигнувања. Поради тоа, компанијата мораше и да објави официјално извинување.
Меѓутоа, реакциите не застануваат. Веројатно најмногу ги „боли“ возвратната реклама на конкурентите Samsung, во која една девојка успева да спаси делумно уништена гитара и да засвири гледајќи ноти на нејзиниот лаптоп од Samsung. Наместо уништување, јужнокорејскиот бренд предлага симбиоза, истакнувајќи дека: „Креативноста не може да биде скршена.“
Брзата реактивна реклама е создадена во соработка со креативната агенција BBH US.
We would never crush creativity. #UnCrush pic.twitter.com/qvlUqbRlnE
— Samsung Mobile US (@SamsungMobileUS) May 15, 2024
