Кон крајот на август беше соопштено дека Netflix ја тестира опцијата за лансирање на сервис за мобилни игри со избрана група на корисници од Полска.
Сега, стриминг платформата го лансираше својот сервис за мобилни игри глобално за сите корисници на Android, вклучувајќи паметни телефони и таблети.
Корисниците може да пристапат кон игрите преку новото јазиче “Games” во мобилната апликација на Netflix за Android. Тоа ќе ги пренасочи корисниците кон Google Play Store каде што ќе можат да ја инсталираат играта по свој избор.
Наскоро се очекува сервисот за игри да биде имплементиран и во iOS верзијата на апликацијата. Најголем предизвик се чини е начинот на кој Netflix ќе успее да заобиколи некои од правилата на Apple во нивниот App Store.
Засега за корисниците на Android се достапни пет игри од Netflix и тоа: Stranger Things: 1984, Stranger Things 3: The Game, Shooting Hoops, Card Blast и Teeter Up.
Netflix засега немаат план за монетизација на игрите и на нив гледаат како дополнителна алатка за привлекување на претплатници.
Се очекува дека со зголемувањето на бројот на игри, Netflix ќе започне да ги препорачува на корисниците врз основа на нивните преференци, како што тоа сега функционира со филмовите и сериите на платформата.
🎮📱 Let the Games Begin📱🎮
Tomorrow, Netflix Games will start rolling out on the Netflix mobile app. First on Android, with iOS on the way.
It’s early days, but we’re excited to start bringing you exclusive games, with no ads, no additional fees and no in-app purchases. pic.twitter.com/ofNGF4b8At
— Netflix Geeked (@NetflixGeeked) November 2, 2021
