SoMo Borac, платформата која годинава го одбележува своето 10-то издание на наградите за најдобри дигитални кампањи во регионот, лансираше нова награда – SoMo Media. Дигиталните издавачи можат да ги пријават своите кампањи во вкупно четири категории, а ќе ги оценуваат 16 членови на жирито со долгогодишно искуство од целиот регион.
SoMo Media ќе ги наградува оригиналните и креативни кампањи за дигитални медиуми кои постигнале извонредни резултати во категориите: “Digital Product of the Year”, “Best Storytelling”, “Digital Design of the Year” и “SoMo NATIVE”.
„Во текот на десет години, SoMo Borac стана најважната дигитална награда во регионот, поради што ми е исклучително драго што и дигиталните издавачи ќе имаат можност да аплицираат за нивните проекти оваа година. Собирањето на целата дигитална заедница во регионот е исклучително важно за напредокот на секторот бидејќи ни овозможува да учиме едни од други и да споделуваме искуства“ – рече Јернеј Смисл, претседател на жирито на SoMo Media и маркетинг директор на VIDAA.
SoMo Borac станува платформа која го опфаќа целиот опсег на дигиталната индустрија во регионот, обединувајќи експерти од секторот и прикажувајќи примери за најдобра практика на едно место. Главната цел на платформата е споделување на знаењето и создавање заедница која придонесува за развој и позиционирање на професијата во регионот и ги поврзува сите кои се вклучени во дигиталниот маркетинг на домашен и меѓународен план.
Членовите на жирито на SoMo Media се: Јернеј Смисл од VIDAA (претседател на жирито), Миран Павиќ од Telegram, Маја Блуменшајн од Nova TV, Стипе Грубишиќ од Hanza Media, Домагој Видовиќ од RTL Hrvatska, Иван Плеше од Index, Анте Франатовиќ од 24 sata, Иван Крстиќ од United Media, Даниел Фазлиќ од Bloomberg Adria, Анже Анчимер од RTV Slovenia, Павле Савовиќ од Telegraf, Петар Јевремовиќ од Wireless media, Надја Јокановиќ од WANNABE MAGAZINE, Игор Поповски од CRNOBELO.com, Мариокс Шимиба од klix.ba и Суада Пештек од Radio Sarajevo.
Новостите за SoMo Borac може да се следат на Facebook, Instagram, Linkedin и YouTube, како и со претплата кон newsletter-oт на Somo Borac. Повеќе детали за сите десет наградни категории (SoMo Social, SoMo Content, DA – Дигитална активација, Digital Mix, SoMo Tech, SoMo Web, CM на Годината, SoMoRitanac, SoMo Growth и Somo Global) може да се најдат на следниот линк.
