Дигиталниот адвертајзинг зафаќа 40% од приходите на амриканските агенции. Приходите на агенциите се зголемија за 5.4% во 2014
Вработеноста во адвертајзинг агенциите го достигна своето највисоко ниво од 2001, агенциските акции овој месец достигнаа историски максимуми и инвестирањето во адвертајзинг во САД е конечно во позиција да го надмине врвот од периодот пред економската рецесија. Ова е добро време ако си во агенциската игра, особено ако си поврзан со дигиталниот адвертајзинг.
Приходот на американските агенции се зголеми за 5.4% остварувајќи рекордни 43.6 милијарди долари во 2014. Порастот беше воден од дигиталниот адвертајзинг, кој опфати скоро 40% од амриканскиот агенциски приход во 2014.
Приходот и стапките на раст се засновани врз Центарот на податоци на Ad Age, преку анализа на повеќе од 1000 агенции, агенциски мрежи и агенциски компании вклучени во Агенцискиот Извештај за 2015.
Од петте најголеми светски дигитални мрежи, само една е во сопственост на етаблирана агенциска компанија: No. 5 Wonderman, во сопственост на WPP.
IBM Interactive Experience на IMB Corp. е рангирана како најголема дигитална мрежа, следена од Deloitte Digital на Deloitte Consulting, Accenture Interactive на Accenture и Epsilon на Alliance Systems Corp.
Мајкл Рот, CEO на Interpublic Group of Cos., коментирајќи на една инвеститорска конференција во март 2015, го потврди менувањето на индустријата. “Нема сомнеж дека се натпреваруваме со компании со кои никогаш претходно не сме се натпреварувале: Deloitte Consulting, Accenture, IBM…” рече господинот Рот. “Тоа е многу тежок компетитивен пазар, и ние мора да бидеме секогаш на врвот од нашиот перформанс”
Дигиталниот маркетинг продолжува да го зголемува својот удел за сметка на не-дигиталниот адвертајзинг. Publicis Groupe, на пример, соопшти дека нивниот дигиталниот приход на светско ниво во 2014 година генерирал 7.3% органски раст; аналогно на тоа, не-дигиталниот, паднал за 1.4%.
WPP соопшти дека дигиталнио адвертајзинг е заслужен за 36% од светскиот приход во 2014, додека пак таа бројка во 2013 изнесувала 35%.
Publicis соопшти дека 41.9% од својот приход на светско ниво во 2014 доаѓа од дигитални активности, за разлика од 38.4% во 2013. Дигиталниот адвертајзинг придонел за 50.2% во приходот за првиот квартал на 2015, вклучувајќи го и приходот остварен од Sapiant Corp., што Publicis го презеде во февруари.
Според анализата на Центарот за податоци на Ad Age, во севкупниот амрикански агенциски пазар, дигиталниот адвертајзинг е заслужен за 39.7% од агенцскиот приход, вклучувајќи дигитални активности од сите видови агенции, од адвертајзинг агенции и медиа агенции до ПР и чисто дигитални компании.
Порастот на агенцискиот дигитален приход е огледало на порастот во инвестициите во дигитални реклами. Интернетот минатата година е заслужен за една четвртина од трошоците за рекламирање во САД, трипати повеќе од нивото од 8.2% во 2007 година, според податоците од ZenithOptimedia на Publicis.
Вработувањата во амриканските дигитални медиа компании порасна за 13.8% минатата година, а во јануари 2015 за прв пат достигна бројка од 175 000 вработени во дигиталните агенции, според бројките од Бирото за работна статистика. Дигиталните медиа бизниси во просек додаваат по 54 вработувања секој ден – пет пати повеќе од врaботувањата во адвертајзинг агенциите.
Сите големи амрикански агенциски оддели пораснаа минатата година, со повисоки приходи од 4.4% за адвертајзинг агенции до 10.3% во полето на здравствено-заштитни комуникации. Менаџирањето на односи со потрошувачите/директниот маркетинг, промоцијата и односите со јавноста пораснаа од 5% до 6%.
Медиските агенции минатата година регистрираа робустен пораст на приходи, пропелирани од дигиталните активности. Тоа go вклучува порастot во програматско-медиа купување (programmatic buying).
WPP, на пример, соопшти дека Xaxis, платформaта за програматик купување, генерирала 775 милиони долари во 2014 во продажби (фактурирање) во светски рамки, 30% повеќе од 2013. WPP го бележи фактурирањето на Xaxis како приход, но компанијата ги обелодени и ‘нето продажбите’ на WPP, бројка која го отфрала приходот кој ‘само поминува’. WPP верува дека нето продажбите се позначајна и поточна рефлексија на растот.
Omnicom Group објави дека има приход од програмирано купување во 2014 од нешто под 2% од светскиот приход, односно, скоро 306 милиони долари, 140 милиони долари повеќе од 2013.
Потребна е помош
Вработувањата во американските адвертајзинг агенции во декември го достигнаа својот врв (192 400) од раните 2000-ти, сепак бројката е помала од историскиот врв (207 400) во 2000 година.
Вработувањата во американските ПР агенции оваа година достигнаа историски врв (59 800) покажувајќи ја јачината на овој оддел кој пронаоѓа нови форми на приход и раст преку социјалните медиуми.
Американските агенции вработиле 31 500 луѓе откако агенциските вработувања го достигнале минимумит во почетокот на 2010. Во мрачните денови на 2009, адвертајзинг агенциите во просек крателе по 41 вработувања на ден. Минатата година, агенциите додавале по 10 вработувања на ден.
Агенциските акции на историски височини
Неоспорно е дека етаблираните агенциски компании се соочуваат со повеќе предизвици – промената кон дигиталното, продорите на консултанските компании, притисок од маркетерите да прават повеќе за помалку.
Но, инвеститорите остануваат оптимисти за агенциските џинови. Акциите во Dentsu Inc., Publicis и WPP достигнаа историски височини во април. Omnicom ја достигна својата најголема цена во март. Interpublic во феврури тргуваше по највисока цена од 2002
Предвидување за индустријата
Трошењето на реклами во САД на интернет, магазини, весници, кино, радио, телевизија, ќе порасне за 3.7% до 182.8 милијарди во 2015, конечно достигнувајќи го својот пред-рецесиски врв од 2007 година, според мартовското предвидување на ZenithOptimedia.
Проектираниот раст е чекор надолу од растот од 4.9% во 2014, кога трошењето беше дополнително зголемено со изборите и Зимските Олимписки Игри.
Американските маркетинг трошоци – трошењето на големи медиуми плус маркетинг услуги (direct mail, ПР, промоции/настани и телемаркетинг) – ќе пораснат за 3.3% до рекордни 407 милијарди долари во 2015, за разлика од 3.9% раст во 2014, според предвидувањето на ZenithOptimedia.
ZenithOptimedia очекува трошоците за реклами во големите медиуми на светско ниво да пораснат за 4.4% до рекордни 543.8 милијарди долари во 2015. Трошењето порасна за 5.2% во 2014, најбрзиот раст од 2010.
На конфернцијата за приходи на Publicis одржана минатата недела, Претседателот-CEO Маурис Леви прцени дека глобалните органски приходи на адвертајзинг агенциите ќе порасне за 3-3.5% во 2015 – “веројатно поблиску до 3% отколку до 3.5%”. Предвидувањето е базирано на модел според кој приходите на адвертајзинг агенциите во изминатите години пораснале за околу две третини од растот на трошоците за рекламирање во големите медиуми.
Земајќи две третини од предвидувањето на ZenithOptimedia за растот на трошењето за реклами во САД за 2015 (3.7%), органскиот приход на амриканските адвертајзинг агенции треба да има раст од околу 2.5% во 2015. Постои добра причина да се верува дека други агенциски оддели во 2015 ќе продолжат да имаат подобар перформанс од адвертајзинг агенциите.
Агенциски договори
Минатата година бевме сведоци на неколку големи зделки, вклучувајќи го купувањето на Sapient од страна на Publicis за 3.7 милијарди долари и аквизицијата на Conversant, компанија за дигитален маркетинг услуги претходно позната како ValueClick, од страна на Alliance Data за 2.3 милијарди долари. Conversant стана дел од Epsilon мрежата на Alliance Data.
Други аквизиции вклучуваат:
- Vision 7 International, маркетинг-комуникациска мрежа базирана во Канада, купена од BlueFocus Communication Group, брзорастечка кинеска агенција која се шири во Северна Америка.
- Olson, агенција од Миенаполис, купена од ICF International, консултантска и тешнолошко-услужна компанија.
- Nurun, дигитална агенција базирана во Канада, купена од Publicis.
WPP во 2014 комплетирала 65, главно мали транскации, еднакво на повеќе од договор по недела.
Interpublic во 2014 комплетирала девет аквизиции, вклучувајќи ја и лондонската дигитална агенција Profero (сега Lowe Profero) и бостонската дигитална агенција Genuine Interative.
Omnicom минатата година комплетирала 10 мали аквизиции. Компанијата истакна дека ниту една од аквизициите во последните три години “немала значајна улога во нивната финансиската позиција или резултат од операции”.
Меѓутоа Omnicom изгледа подготвено да ја отвори својата ‘книшка со чекови’. “Формиравме нова посветена аквизициска група, каква што немавме изминатите неколку години” рече господин Врен минатата недела на својата прес-конференција. “Разгледуваме неколку можности на поформална основа отколку последните години. Затоа очекувам дека ќе правиме повеќе, но без big-bang работи. Разумни аквизици, средни по големина кои ќе ги пополнуваат нашите стратешки места за раст, и во САД, во одредени производни области и во клучни растечки пазари.” Господинот Врен додаде: “Нема да бидат големи”.
Секако, навистина големиот договор кој пропадна минатиот мај кога Publicis и Omnicom го отфрлија нивниот план да ја формираат светски најголемата агенциска компанија, Publicis Omnicom Group. Врен тогаш рече: “Мислам дека ќе помина многу долг период пред пак да се обидам да направам спојување од такви размери”.
