Шпанија ќе ги заостри правилата за рекламирање криптовалути бидејќи сака да се погрижи инвеститорите да бидат свесни за ризиците поврзани со криптовалутите, објави неодамна државниот регулатор на берзата. Новите правила стапуваат на сила во февруари.
Рекламирањето на нерегулирани криптовалути, како што е биткоинот, нагло порасна, најмногу поради онлајн инфлуенсерите, што го привлече вниманието на регулаторните тела ширум светот. Според новите правила, кои ќе стапат на сила во Шпанија следниот месец, рекламите за криптовалути ќе мора да бидат „јасни, урамнотежени, непристрасни и неизмамнички“, наведува шпанската владина агенција CNMV, која е задолжена за регулирање на берзата. се вели во соопштението.
Рекламите исто така ќе треба да содржат информации за ризикот на истакнато место. Сепак, давателите на крипто услуги ќе мора да го известат регулаторот најмалку десет дена однапред за сите реклами насочени кон најмалку 100.000 луѓе.
Овие правила ќе важат и за промотивни активности и рекламирање во име на други, како што го прават тоа инфлуенсерите.
Во ноември минатата година, регулаторот ја нападна и шпанската фудбалска ѕвезда Андрес Иниеста, откако промовираше криптовалути на неговите социјални мрежи. Во твит, CNMV одговори дека треба да се информира за криптовалутите пред да инвестира во нив или да ги препорачува на други.
Во септември минатата година, Кина одлучи да го заостри работењето со криптовалути, прогласувајќи ги таквите трансакции незаконски.
