Американските огласувачи групации Omnicom и Interpublic соопштија дека Федералната комисија за трговија на САД ја завршила својата антимонополска ревизија на предложениот договор за преземање на Interpublic од страна на Omnicom.
„Воодушевени сме што нашиот договор со Interpublic ја надмина оваа значајна регулаторна пречка“ – изјави Џон Врен, претседател и извршен директор на Omnicom. „Ова е важен чекор кон комплетирање на предложената аквизиција и создавањето нова ера во која им помагаме на клиентите да растат со сеопфатен спектар на маркетинг и продажни решенија, вклучувајќи ги креативноста и технологијата. Се надеваме на добивање на преостанатите регулаторни одобренија и комплетирање на договорот во втората половина од оваа година, во согласност со нашите очекувања кога ја објавивме оваа трансакција.“
„Оваа вест е значаен чекор напред во процесот на комбинирање на нашите компании и нивните длабоки базени на таленти, комплементарни капацитети и географски предности“ – додава Филип Краковски, извршен директор на Interpublic. „Заедно со Џон и како дел од неговиот тим, ние ќе бидеме исклучително добро позиционирани да ги задоволиме еволуирачките потреби на клиентите во потрошувачкиот и медиумскиот пејзаж трансформиран од технологијата и податоците.“
Со договорената наредба за согласност, Федералната комисија за трговија одобри предвремено прекинување на периодот на чекање согласно Законот за антимонополски подобрувања Харт-Скот-Родино од 1976 година, со соодветните измени. Наредбата за согласност сега е предмет на 30-дневен период на јавна расправа, а потоа конечно прифаќање од страна на комисијата.
