Што кажуваат вашите навики за слушање музика за Вас? Тоа едно од најважните прашања што дигиталната музичка индутрија си го поставува додека развива нова технологија за таргетиран адвертајзинг.
Најголемите играчи како Spotify, iHeartMedia и Pandora развиваат технологија што ќе им сервира реклами на слушателите, и сите гледаат вредност во таргатирање базирано врз музички вкусови. Еден слушач кој следи рок станица се вклопува во еден профил за iHeartMedia. Претплатник кој има пуштено микс за вежбање му дава на Spotify еден потрошувачки профил кој може да биде таргетиран од маркетерите во реално време.
Музичките платформи се во средината на градењето рекламни машини кои ќе ја искористаат оваа богата база на податоци. Оваа недела, Spotify започна со таргетирање на плејлисти кои групираат слушатели со сличен вкус за огласувачите. Претходно овој месец, iHeartMedia започна со програмиран закуп на радио реклами, групирајќи повеќе локални радио станици за да акумулираат еден национален reach.
“Користејќи ја музиката како прокси, Spotify има добар увид во тоа што прават луѓето” рече Џеф Левик, генерален бизнис директор на Spotify.
И покрај тоа што iHeartRadio и Spotify држат различни подрачја во индустирјата (првите се поблиску до традиционалното радио), и двете покажуваат дека музичката индустирја мисли нови начини како да остварува приход во дигиталната ера. Минатата година, за прв пат, дигиталната музичка продажба ги надмина CD-ата.
Spotify има над 60 милиони претплатници, од кои 45 милиони пристапуваат на бесплатното ниво на сервисот кое генерира приход од реклами.
Музичкиот сервис има 1.5 милијарди плејлисти кои нудат кориснички insight, така што брендовите “можат да таргетираат кориснички намери, не имплицирани намери, не согледувани намери, туку вистински намери”, додаде Левик.
Spotify разви и технологија за секвенционално испраќање пораки, која следи кога некоја маркеинг порака е служена и на кого, така што брендовите знаат кога корисникот ја примил рекламата.
Левик истакна и дека просечниот корисник на Spotify слуша 148 минути музика на ден преку различни уреди, и дека технологијата за секвенционално испраќање пораки им овозможува на огласувачите да ги ‘погодат’ потрошувачите кога се префрлаат од телефон на таблет.
Во меѓувреме, iHeartRadio развива технологија со која таргетираниот адвертајзинг ќе го направи полесен. Новата програмска платформа им овозможува на брендовите да градат публика преку илјадници земни радио станици.
Долгогодишниот ветеран во индустријата и CEO на iHeartMedia, Боб Питман изјави дека компанијата се обидува да го пренесе дигиталното рекламирање на купување радио простор.
“Радиото беше, пред години, првиот медиум кој вистински сегментираше и таргетираше” рече Питман, бидејќи радио станиците услужуваа специфична публика. Меѓутоа, постоеше проблем во димензиите, и огласувачите не беа во можнот да допрат до мас-публика.
Сега, наместо правење договори со 150 поединечни станици, iHeartRadio со својата програмска платформа им овозможува на огласувачите да ги купат сите заедно, додаде Питман.
Дигиталната радио компанија исто така им овозможува на огласувачите да ги користат податоците кои ги имаат собрано за своите клиенти, така што ќе можат да таргетираат со нивните реклами кон луѓе кои ги познаваат или кои имаат слични дигитални ‘стапалки’.
“Радиото е најмалку монетизираниот од сите големи медиуми”, рече Питман, истакнувајќи дека со подобри мерења, огласувачите би се убедиле да одвојуваат повеќе пари тука.
Соопштенијата од двата големи играчи дојдоа како одговор на програмата за програмиран закуп на Пандора. Минатата недела, дигиталниот радио пионер најави нови алатки за таргетирање кои ќе им овозможуваат на брендовите да допираат до публиката со поголема прецизност.
