Вториот највисокиот суд на Европската Унија во средата пресуди дека логото на компанијата Адидас со три паралелни ленти е неважечко, бидејќи му недостасува посебност које е неопходна за правна заштита на трговските марки.
Генералниот суд на Европската Унија соопшти дека ја потврдил одлуката на Канцеларијата за интелектуална сопственост на Европската Унија (ЕУИПО) во 2016 година за поништување на претходна одлука за прифаќање на трговската марка.
Германската компанија за спортска опрема во 2014 година ја регистрираше трговската марка за облека и обувки велејќи дека се состоела од три паралелни еднакви ленти со еднаква ширина кои се применуваат на производот во која било насока.
Пред три години Канцеларијата на ЕУ за заштита на интелектуална сопственост отфрли да регистрира знак на компанијата наведувајќи дека не е доволно препознатлив во ЕУ, а судот ја поддржа таа проценка.
Судот рече дека логото не е модел туку обична фигуративна марка и не било релевантно да се земат предвид специфичните намени кои вклучуваат бои. Исто така, соопшти дека Адидас обезбедил докази поврзани со употребата на трговската марка во пет земји на ЕУ, но не и во целиот блок.
Адидас може да поднесе жалба до Европскиот суд на правдата.
