Осмиот меѓународен саем за инвестициски проекти REXPO 2019 денес ги отвори своите врати, а собра бројни странски и домашни инвеститори, експерти и бизнисмени и повеќе од 500 посетители. Саемот свечено го отвори министерот за море, транспорт и инфраструктура Олег Бутковиќ, а во својот говор ги истакна најзначајните инвестиции во транспортот и поморската инфраструктура и најави големи инвестиции во железничката инфраструктура.
– Бидејќи со години се запоставуваа, денес железниците се најзастапени во инвестицискиот циклус. За жал, не бевме во можност да градиме автопати и железници во исто време, но планот е да се инвестираат 3,5 милијарди евра во железничкиот систем и инфраструктурата до 2030 година, пред се` на два коридора. Медитеранскиот, кој веќе има активни инвестиции, а до 2022 година Загреб би требало да биде поврзан со двострана модерна железничка пруга до унгарската граница. Од друга страна, ние го имаме поранешниот десетти коридор на исток, кој е во подготовка за следниот оперативен период, рече министерот Бутковиќ.
Министерот се осврна и на изградбата на мостот „Пелескац“ и додаде дека изградбата се одвивала во добар правец, но потребно е да се измени законот за јавни набавки за да се реализираат ваквите проекти побрзо и подинамично. Тој се осврна и на поморската инфраструктура и тековните крајбрежни работи.
– Започнавме голем инвестициски циклус за инвестиции во поморската и пристанишната инфраструктура на крајбрежјето, а на располагање имаме 100 милиони евра и веќе одвоивме поголем дел од овие средства. Инвестициите главно се однесуваат на морските пристаништа, браните и крајбрежјата на островите и обалите, додаде министерот Бутковиќ.
Првиот ден на саемот беше одбележан и со интересни панел дискусии, а панелот под наслов „Барометар на финансирање на пазарот на недвижности 2019“ предизвика голем интерес за посетителите. На почетокот беше презентирано истражувањето на компанијата KPMG „Property landing barometar 2019“, во кое се потенцирани трендовите во инвестициите во пазарот на недвижнини. Резултатите покажуваат дека Хрватска има најголем удел во инвестициите во туристичката инфраструктура и се очекува да продолжи во 2020 година.
Меѓу другото, важноста на влезот на Хрватска во Шенген е нагласена заради нејзината поголема привлечност кон странските инвеститори, а заедничкиот заклучок е дека Хрватска може и мора да биде оптимист по прашањето за инвестициите во иднина.
Реконструкција ACI марина Ровињ е добитник на овогодишната награда „REXPO 2019 Best New Investment Award“, а на претседателот на Управата на ACI Кристијан Павиќ, наградата му ја врачи министерот Олег Бутковиќ. На доделувањето присутен беше и државниот секретар Зденко Лучиќ од Министерството за економија, претприемништво и занаетчиство.
Вториот ден на REXPO ќе биде посветен на хрватскиот туризам и инвестициите во туризмот.
