“Гардијан“ (The Guardian) познатиот весник од Велика Британија, деновиве стартуваше со првата дигитална рекламна кампања базирана на пресметување на време кое корисникот го троши или посветува за читање на една содржина.
Огласувачите сега имаат можност да купат реклами кои ќе обезбедат загарантирана 100 процентна видливост во точни временски интервали од 10, 15, 20 или 30 секунди.
“Економист“ е првиот клиент кој користи платена реклама на ваков начин, која ќе се емитува заклучно до Септември.
“Оваа стратегија е дел од неколкуте наши најдобри стратегии, кои го променија мислењето дека не сите реклами имаат подеднакво иста видливост или импресии,“ рече Ник (Nick Hewat), комерцијален директор на “Гардијан“.
“Ова не е само еднократно решение за успешност, туку тековна цел со која ќе се испорачаат опипливи резултати на клиентите.“
Гардијан се приклучи на Фајненшл Тајмс (FT) и Економист ( Economist) во користење на овие реклами базирани на броење на времето што корисникот го посветил за читање на содржината, откако неодамна се разви мислењето дека платените реклами базирани по број на импресии не водат кон ефективни кампањи туку кон постојано плаќање за реклами кои можеби никогаш нема да бидат видени.
Интересот на огласувачите беше да изнајдат друга алтернатива со која наплатените средства ќе имаат вредност и рекламите ќе покажат ефект. Во овој дел, Фајненшл тајмс дава алтернативен начин за проценување дали рекламата го привлече вниманието на читателот.
Заедно Фајненшл Тајмс (FT) и Економист го открија очекуваното, дека рекламите поминуваат подобро кога луѓето почесто ги гледаат и се задржуваат “читајќи ги“. Рано е да се каже за “Гардијан“, но комерцијалниот директор Ник смета дека оваа метода ќе даде додадена вредност на клиентите.
“Ние користевме “click-through rate“ (го претставува односот меѓу бројот на прикази и бројот на кликања) како репер за мерење на ефикасноста. Како и да е, X,X% проценти не треба и не смеат да се показател за некаков успех или индикатор за силен бренд или внимание.“ Ник додаде дека и други фирми имаат план да стартуваат со ваков тип на платени реклами, но не сакаше да именува и да посочува кои се.
Рекламата со која стартуваше “Гардијан“, беше дел од кампањата на Економист именувана како “ Подигнати веѓи и претплатници“ уште во 2014 година, која доби повеќе признанија за нејзината ефективност. До јуни, оваа година , кампањата генерираше 5.2 милиони клика и 64.000 нови претплатници вредни 51.7 милиони фунти или 67.9 милиони долари.
Во тоа време, “Економист“ разви тест матрица за медиумско купување (рекламирање) со јасно дефинирани стандарди за ефикасност. Тестирано беше користењето на платени реклами базирано на број на прегледи, импресии и CTR. Ако кампањата реализирана со реклами базирани на време се покаже ефективна и над очекуваното, тогаш трошоците за истата ќе се променат.
“Ние создаваме многу мали огништа, за да видиме голем пламен,” – кажа Марк (Mark Beard), шеф на одделот за дигитални медиуми и одговорен за раководење со содржинските стратегии на “Економист“. Овој тип на реклами претставуваат и една анализа за тоа колку корисниците се приврзани за нас.
“Сопствениците на компаниите прават најдобра работа кога ќе ги усогласат целите на кампањата со медиумските реклами. Важно е тие да се совпаѓаат со пораката на кампањата, додаде Марк “.
