Откако минатата година ја предводеше индустријата како прва глобална организација за огласување и дизајн која организираше виртуелни наградни настани и повеќечасовна програма на фестивалски содржини, американската The One Club for Creativity го најави одржувањето на виртуелната „Creative Week 2021“, во периодот од 7 до 11 јуни.
Под мотото “Connect. Provoke. Inspire.”, Креативната недела 2021 ќе вклучува повеќе наградни церемонии и десетици панели за дискусија и работилници на четири виртуелни сцени, како и премиум настани на специјалната петта сцена која ќе ги вклучува Executive Creative Summit за агенциските лидери и целодневната unConference.
„Овогодишната креативна недела е навистина глобален фестивал. Сесиите се дизајнирани, како во распоред, така и во содржина, за да ја направат програмата погодна и релевантна за креативците од сите временски зони ширум светот. Го применивме истиот глобален фокус на цените и обезбедивме различни нивоа за региони каде што валутата и економските услови го отежнуваат регистрирањето на фестивалот,“ истакнува Кевин Свејнпоел, генерален извршен директор на The One Club for Creativity.
Главните настани на Creative Week 2021, по виртуелна сцена, вклучуваат:
Наградна сцена:
- June 7: Type Directors Club, водечката светска организација за типографија, ја отпочнува неделата со соопшувањето на победниците за натпреварите TDC67 Communication Design и 24TDC Typeface Design. На истиот настан ќе бидат соопштени и студентите-добитници на стипендиите Beatrice Warde и Superscript.
- June 8: Најдобрите студентски проекти од светот ќе бидат наградена на натпреварот Young Ones Student Awards.
- June 9: Историските ADC Annual Awards ќе ко имаат своето 100 јубилејно издание, славејќи еден век на глобална креативна извонредност.
- June 10: Прогласување на победниците на престижните One Show „пенкала“ за 2021 година.
- Гостите ќе имаат можност да слушнат директно од креативните тимови кои стојат зад победничките проекти на натпреварите One Show 2021 и ADC 100th Annual Awards, учејќи од нив преку презентации и семинари.
Главна сцена:
- Дневни содржини и виртуелни настани во врска со четирите оперативни столбови на The One Club – креативен развој, различности и инклузија, родова еднаквост и едукација
- Содржини за и од глобалната креативна заедница, вклучувајќи бројни панели, презентации и проекции, во кои свој удел ќе имаат врвните светски креативни лидери.
- HealthPharm со McCann, ќе се одржува два пати секој ден, еднаш за публиката од Северна Америка и еднаш за Азиско-Пацифичкиот регион.
- Creative Week 2021 Global Media Talks – водечките адвертајзинг публикации од светот ќе одржат целонеделна серија на панели со врвните креативци од нивните земја во кои ќе ги дискутираат глоблните креативни трендови и најдобрите остварувања од изминатата година.
Агенциска сцена:
- Повеќе сесии секој ден од неделата чии домаќини ќе бидат корпоративните членки-агенции на The One Club, презентирајќи студии на случај за врвни остварувања, истовремено осврнувајќи се врз клучните прашања и предизвици во индустријата.
Едукациска сцена:
- Овогодишниот Young Ones Festival нуди возбудливи можност и за студентите и за едукаторите.
- Portfolio Reviews, на June 7 – возбудлива можност за поврзување на студентите и амбициозните креативци со врвните таленти во индустријата кои ќе им понудат непроценливи критики, совети и разговори, во формат еден-на-еден.
- Сесии за регрутирање на 8 јуни, каде студентите ќе можат да се запознаат со претставници од водечките креативни агенции (во ист ден како и прогласувањето на победниците во натпреварот Young Ones Student Awards)
- Educators Summit, на 9 јуни – серија на информативни панели и сесии.
ВИП сцена, ексклузивни премиум настани:
- Executive Creative Summit, на 8 јуни – самит за креативците на директорско ниво, агенциски основачи и партнери, кои ќе дискутираат на тема “Што ги држи будни ноќе” и за проблемите кои влијаат врз нивните бизниси, далеку од опсегот на креативноста.
- unConference, на 11 јуни – интерактивен настан во кој сите учесници ќе имаат можност за учество и водство на сесија во посебна „соба“.
Регистрацијата за овогодишното издание на Creative Week е веќе отворена и картите се веќе достапни.
Содржините на Наградната сцена, вклучувајќи ги наградните церемонии за One Show, ADC, Young Ones и TDC, се бесплатни.
Фестивалските карти за Creative Week 2021, кои овозможуваат пристап до сите пет денови на наградни настани и генералните сесии на Наградната, Главната, Агенциската и Едукациската сцена, се достапни по три цени – $199, $149 и $99, во зависност од државата на регистрација.
Студентите и едукаторите имаат специјални карти за пристап до Едукациските настани, генерални сесии и награди.
Картите за двата премиум настани на ВИП сцената се дополнителни: картата за Executive Creative Summit – ексклузивно за лимитиран број на агенциски сопственици и лидери, изнесува 849$ и ќе влучува пристап до наградните церемонии и генералните сесии; картата за unConference изнесува 99$ ($249 за unConference плус пристап до наградните церемонии и генералните сесии).
Брендингот за Creative Week 2021 е создаден од Бени Голд, сениорен графички дизајнер во Goodby Silverstein Partners од Сан Франциско.
