Со сите проблеми кои ги имаше 2020 година, видео-платформата YouTube се покажа како една од најчестите онлајн дестинации која луѓето ја посетуваа со цел бегство од несигурноста и неизвесноста на реалноста. Оваа година, само рекламите публикувани на YouTube успеале да соберат над 470 милиони прегледи и преку 1.3 милиони „допаѓања“.
Најпопуларните овогодишни реклами на YouTube ја имаа моќта да ги натераат гледачите да се смеат, но и да плачат. Гледачите особено добро се поврзаа со хумористичниот скеч на Apple за работењето од дома, но многумина од нив почувствуваа и грутка во грлото поради емоционалната кампања Loretta на Google.
Меѓутоа, најгледаната реклама на YouTube за оваа година е “You Can’t Stop Us” на Nike, која ја илустрира упорноста во спортот (и животот), преку приказните на познати спортисти како Серена Вилијамс, ЛеБрон Џејмс и Тајгер Вудс.
Од друга страна, „најлајкуванта“ овогодишна реклама на YouTube е “Lost and Crowned” на мобилната игра Clash of Clans, која успеа да собере 714.000 допаѓања од вкупно 1.3 милиони кои ги добиле рекламите објавени на YouTube.
Во продолжение следуваат 10-те најгледани реклами за 2020 година на видео-платформата YouTube:
1. Nike – Never Too Far Down/You Can’t Stop Us
2. Google – Loretta
3. Hyundai – Smaht Pahk
4. Clash of Clans – Lost & Crowned
5. TurboTax – All People Are Tax People Remix
6. Apple – The whole working-from-home thing
7. NFL – NEXT 100
8. GEICO Insurance – Aunt Infestation
9. GMC – Horsepower
10. Michelob ULTRA – Jimmy Works It Out
