Без разлика на она што ќе се случи во ноември, претседателските избори во САД ќе бидат запаметени како одраз на моќта на маркетингот.
Како еден човек од бизнисот без никакво политичко искуство се доведе себе до позиција да може да ги вознемири и најискусните светски политичари?
Одговорот е – маркетинг.
Најважната состојка во маркетингот е да се изнесе уникатно тврдење кое ќе го разликува вашиот бренд од сите останати. Без разлика дали го сакате или не, тоа токму она што Доналд Трамп го направи, започнувајќи со своето стандардно негодување против мексиканските имигранти.
И Трамп и Берни Сандерс беа свесни дека контроверзиите создаваат вести, а вестите градат брендови. Медиумите неволно им помогнаа на двајцата да ги изградат своите брендови не само преку пренесувањето на нивните контроверзни изјави, туку и со покренувањето на прашања поврзани со многу од нив.
Тоа се одрази така што беа зацврстени погледите на луѓето кои се согласуваа со Трамп и Сандерс. Тоа е старата маркетинг максима: Игнорирајте ја вашата конкуренција, немојте да ги дебатирате.
Во моментот кога ќе почнете да дебатирате за својот противник, вие создавате впечаток дека тие имаат легитимни аргументи. Па така, излезе дека медиумите се најголемиот сојузник на Трамп, целосно спортивно од она што многу од нив имаа како намера.
Хилари Клинтон, од друга страна, ја направи класичната маркетиншка грешка. Таа не се фокусираше врз едно специфично прашање. И ниту едно од нејзините покренати прашање на создаде доволно контроверзија.
Имено, таа се обидува да им угоди на сите, ветувајќи секакви добра за децата, студентите, родителите и пензионерите. Таа требаше да го послуша стариот маркетиншки приницип: Ако се обидувате да им се допаднете на сите, во опасност сте да не му се допаднете никому.
Што нејзиниот слоган, “Stronger together,” всушност значи? Што значеа нејзините претходни слогани како “Fighting for us” или “I’m with her”?
Нема сомнеж дека слоганот на Трамп, “Make America great again,” е контроверзен бидејќи им се допаѓа на луѓете кои мислат дека САД се на погрешниот пат. Тој создава контроверзност бидејќи поттикнува расправија со луѓето кои мислат дека САД и сега се движат во вистинската насока.
Кој би се расправал поради слоганот на Хилари “Stronger together?” Тој не создава контроверзност и не поттикнува реакации.
Нејзиниот слоган е толку слаб што Џеси Џексон во својот говор на Демократската конвенција се обиде да и’ помогне со негова кованица: “It’s healing time. It’s hope time. It’s Hillary time.”
Многумина од останатите говорници на Демократската конвенција паднаа во играта на Трамп. Претседателот Барак Обама, регирајќи на слоганот на Трамп, тој инсистираше: “America is already great. America is already strong.”
Исто така додавајќи: “I promise you, our strength, our greatness does not depend on Donald Trump.”
Но, според последното истражување на Rasmussen Reports, само 24% од гласачите мислат дека земјата се движи во правилна насока. Според тоа, зборовите на претседателот Обама само го зацврстуваат гледиштето на Трамп.
Дали еден кандидат ќе победи или ќе изгуби може да се предвиди уште од првиот ден, денот кога кандидатот ќе го ‘фрли’ својот слоган во рингот. Кога Барак Обама ја најави својата кандидатура за претседателските избори во 2008, тој ја ‘зацементира’ идејата за промена – “Change we can believe in.” Потоа тој ја фокусираше целата своја кампања кон таа идеја, се’ до изборите во Ноември кои убедливо ги доби.
Хилари, од друга страна, тогаш беше ‘насекаде’ со своите слогани за време на внатрепартиските избори на Демократите. Таа започна со “Big challenges, real solutions: Time to pick a President.” Потоа се префрли на “Renew the promise of American,” па на “In to win,” па после беше “Working for change, working for you,” па “Countdown to change” (се обиде да ја следи идејата на Обама).
Потоа таа се префли на “Ready for change, ready to lead,” и потоа “Solutions for America” (Иронично, истата маркетиншка колебливост ја покажува и во овогодинешната кампања.)
Но, дали Трамп навистина е кандидат со само едно покренато прашање? Нели има и свои позиции за други работи како НАТО, даноци, трговија и слично?
Да, но тоа е една од реалностите на политичките кампањи. Медиумите ги присилуваат кандидатите да ги искажат своите ставови за голем број на прашања. Затоа е многу важно за еден политичка кандидат да си постави една главна поциција уште од првиот ден на својата кандидатура.
Без разлика дали Трамп ќе победи или ќе изгуби, маркетерите треба да ја применат неговата стратегија и да внесуваат повеќе контроверзија во своите реклами. Во последно време, адвертајзинг кампањите се премногу меки. И можеби тоа е причината што голем број на веќе етаблирани брендови губат потрошувачи за сметка не некои нови производители.
Во минатото, маркетерите добивале многу повеќе кога повеќе ќе притиснеле. Ја паметите “Does she or doesn’t she?” на Clariol? Или пак “Nothing comes between me and my Calvins” на Calvin Klein? Или “I dreamed I was . . . . . . in my Maidenform bra” на Maidenform? Или пак “Think small?” на Volkswagen?
Во време кога автомобилскиот стандард беше големи сјајни автомобили, кампањата на Volkswagen беше шокантна. И имаше меморабилни поенти како: “It makes your house look bigger” и”If you run out of gas, it’s easy to push.”
Подобриот производ не секогаш победува на пазарот. Исто така, не секогаш подобрата личност победува во политичката арена.
Но она што победува многу почесто, е подобрата маркетинг стратегија.
Извор: AdAge
