Тимот позади “Светот на Биби„ ги поканува сите родители да креираат свој кориснички профил на веб платформата edukacija.svetotnabibi.mk и на иновативен и интерактивен начин да им овозможат на своите деца полесно да ја научат азбуката со помошта на двата омилени детски лика Биби и Боби.
Сите што ќе се регистрираат на платформата ќе имаат пристап до најновите видеа од „Светот на Биби“, едукативни содржини, информации и изненадувања. Тоа е безбеден простор каде што децата ги гледаат омилените цртани и истовремено учат.
Учењето со омилен анимиран лик веќе се користи во некои од најнапредните образовни системи во Европа. Па така, преку Биби и нејзината дружина, овој вид забавна едукација им станува достапна и на децата во Македонија.
Најгледаното видео од „Светот на Биби“ е „Ја учиме азбуката со Биби“, а тоа ни даде мотив да создадеме цел забавно-едукативен свет на нашата платформа edukacija.svetotnabibi.mk. Таму децата можат да се забавуваат и да учат истовремено – велат креаторите на „Светот на Биби“.
Датум: 26.05.2021
