Ratonal Interaction, дигитална маркетинг агенција со седиште во Seattle, минатиот месец објави истражување во кое открива дека 67% од корисниците на Twitter ( од кои 310 милиони корисници на дневна основа) ја користат платформата за корисничка поддршка.
Во исто време околу 93% од брендовите не одговараат доволно на ваквите активности/барања на своите следбеници.
Rational Interaction истражувајќи ги специфичните врски на брендовите со корисниците ги доби следните сознанија во седумдневното истражување.
Apple, AT&T, Adidas и Sephora
За време на истражувањето, @AppleSupport доби 4,5 пати повеќе барања за услуги од просечните брендови во ова истражување. Apple им одговорил само на 58 % од барањата за корисничка поддршка.
AT&T, Adidas и Sephora— како глобални брендови се соочуваат со недостаток на локализирани Twitter налози. Тие одговориле само на 4% од вкупните барања од корисниците ширум светот.
Nike е исклучително вклучен во интеракцијата и обезбедениот фидбек.
Nike одговорил на 96 % од корисничките барања за време на истражувањето. Ова е всушност знак за големата внимателност и посветеност на брендот со оглед на тоа што новите патики Nike Mags предизвикуваат голема љубопитност кај корисниците на Twitter. Неговиот тим за дигитален маркетинг се покажа целосно посветен на предизвикот.
Други важни податоци добиени од истражувањето.
Rational Interaction исто така произнесе доста интересни податоци:
- Во секторот за здравство 80% од брендовите не обезбедиле грижа за своите корисници на социјалната платформа;
- Технолошките брендови потпаднале исто така на предизвикот од кои 20% ги игнорирале барањата за корисничка грижа;
- Продававниците и производителите се подобри во овој дел. Околу 60% од нив обезбедиле одговор на барањата на своите корисници.
