По повеќе од еден век од неговото оригинално лансирање, чоколадото Toblerone продолжува да ја зацврстува својата позиција да живее во умовите на потрошувачите преку својата непогрешлива форма на триаголник, алудирајќи на швајцарските Алпи.
Кога Теодор Тоблер го претстави овој иконичен производ со Емил Бауман во 1908 година, тој исто така го смислил неговото име и пакувањето. Неговата неапологетична триаголна форма е освежувачка особина дури и според денешните стандарди, а камо ли тогаш.
Компанијата овој пат ја ангажираше агенцијата за бренд дизајн Bulletproof со цел да го обнови визуелниот идентитет на Тоблероне, манифестирајќи го оригиналниот инстинкт на Тоблер да биде различен: „Биди повеќе триаголник“ во свет на квадрати, односно конвенционални чоколадни плочки.
Отфрлајќи ги конвенциите кои често се поврзуваат со симетричното естетско совршенство, новото лого ги оживува рачно нацртаните скапоцени букви од минатото на Тоблероне, кои во себе содржат одредени „несовршености“ кои му даваат карактер и оригиналност на целиот дизајн.
„Несовршеностите на кои некогаш се гледаше со надменост сега се слават како знак на посебноста“, опишува брендинг агенцијата. Покрај враќањето на „оригиналните несовршености“ од првото лого на Тоблероне, новиот дизајн содржи и фонт кој е изведен од рачниот потпис на основачот Теодор Тоблер.
И покрај воведување на одредени промени, редизајнот во суштина останува препознатлив за она Тоблероне на кое навикнале потрошувачите. Новиот дизајн ја задржува и познатата илустрација на алпската планина Матерхорн, која во овој случај иако е нацртана за да биде малку „повеќе триаголнеста“, таа сепак продолжува да ѝ дава „покрив над главата“ на онаа скриена силуета на мечка.
Црвената и златната остануваат основни бои на дизајнот, но сега се многу посветли и полни со „живописна позитивност“.
Во согласност со редизајнот, Тоблероне лансираше онлајн продавница за подароци каде што потрошувачите можат да го персонализираат своето пакување чоколадо на големи и смели начини.
