Меѓународниот фестивал на креативноста Cannes Lions 2025 ја одржа својата втора наградна цермонија и ги објави добитниците во осумте категории во сферата на забавната индустрија и продукциската извонредност: Entertainment Lions, Entertainment Lions for Gaming, Entertainment Lions for Music, Entertainment Lions for Sport, како и Design Lions, Digital Craft Lions, Film Craft Lions и Industry Craft Lions.
Entertainment Lions
Од 735 пристигнати пријави, доделени беа 22 награди: 5 златни, 7 сребрени, 9 бронзени. Главната Grand Prix награда ја освои кампањата „Night Fishing“ за Hyundai Motor Company, од INNOCEAN, Сеул.
Филмот, снимен целосно со седум автомобилски камери, ја прикажува средбата на анонимен агент со непознато суштество и е наменет за скептичната MZ генерација (милениумци и Gen Z), во рамки на промоцијата на електричниот бренд IONIQ.
Entertainment Lions for Gaming
Од 327 апликации во категоријата за видеоигри, доделени беа 11 награди: 2 златни, 2 сребрени, 6 бронзени. Главната Grand Prix награда ја освои „Call of Discounts“ за Mercado Livre, од GUT, Сао Паоло.
Со цел да постигне поголема културна релевантност кај Gen Z публиката, најголемата е-трговска платформа во Латинска Америка претвори глобално стримувана гејмерска сесија во реална онлајн продавница со учество на фудбалската ѕвезда Нејмар Џуниор.
Entertainment Lions for Music
Од 469 пријави во категоријата за музичката индустрија, доделени беа 16 награди: 3 златни, 5 сребрени, 7 бронзени. Главната Grand Prix награда ја освои „Tracking Bad Bunny“ од DDB Latina, Порторико, за Rimas Music.
Порториканскиот артист Bad Bunny го претвори издавањето на својот албум во културен настан кој ја слави неговата татковина, редефинирајќи го односот со фановите и поставувајќи нов стандард за лансирањето на музички продукт.
Entertainment Lions for Sport
Од 766 пријави во категоријата за спорт, доделени беа 26 награди: 5 златни, 8 сребрени, 12 бронзени. Главната Grand Prix награда ја доби „Haaland Payback Time“ за Clash of Clans, од DAVID New York.
Фудбалската ѕвезда Ерлинг Халанд стана првиот игрив лик во мобилната игра Clash of Clans, повикувајќи ги своите фанови да му се придружат, додека пак на “хејтерите” им беше дадена можност да уништат село што фудбалерот го градел десет години.
Design Lions
Од 1087 пријави во категоријата за дизајн, доделени беа 33 награди: 5 златни, 11 сребрени, 16 бронзени. Главната Grand Prix беше доделена на „Caption with Intention“ за Closed Captioning, од FCB Chicago.
Проектот ги претвори филмските титлови во адаптивен дизајнерски јазик преку анимација, типографија и боја. Академијата за филмски уметности и науки го вклучи системот во правилникот за пријавување на Oscars, правејќи ја пристапноста основа на филмската продукција.
Digital Craft Lions
Од 554 пријави во категоријата за дигитални проекти, доделени беа 17 награди: 3 златни, 5 сребрени, 8 бронзени. Главната награда повторно ја освои „Caption with Intention“ за Closed Captioning, од FCB Chicago.
Film Craft Lions
Од 1459 пријави во категоријата за видео продукција, доделени беа 49 награди: 9 златни, 12 сребрени, 27 бронзени. Главната Grand Prix награда беше доделена на проектот „Telstra – Better on a Better Network“ за Telstra, од Bear Meets Eagle On Fire, Сиднеј.
Кампањата создаде 26 индивидуални реклами кои претставуваат помалку познати региони и рурални области во Австралија кои што имаат придобивка од подобра мрежа – прикажувајќи ја нивната мрежна покриеност на емпатичен и човечки начин.
Industry Craft Lions
Од 779 пријавени проекти во оваа категорија, доделени беа 22 награди: 4 златни, 7 сребрени, 10 бронзени. Главната Grand Prix награда ја освои „Nigrum Corpus“ за IDOMED, од Artplan, Сао Паоло.
За да ја подигне свеста за расизмот во медицинското образование, IDOMED создаде книга што комбинира илустрација, 3D дизајн и вештачка интелигенција, создавајќи визуелен јазик што ја спојува прецизноста на класичните медицински прирачници со похуман пристап.
Сите финалисти и добитници се достапни за разгледување на The Work. Повеќе информации за фестивалот Cannes Lions можете да најдете на canneslions.com.
