Во втората епизода од втората сезона, гостин на SoMoCast во организација на SoMo Borac беше Мислав Маленица, основач на Mindsmiths и претседател на Хрватското здружение за вештачка интелигенција CroAI. По завршувањето на студиите на Факултетот за електротехника и компјутерски технологии, Мислав се вработил во Институтот „Руѓер Бошковиќ“, каде и професионално започнал да работи со вештачката интелигенција. Директно од областа на науката зачекори во стартап светот, а со вештачка интелигенција се занимава веќе 19 години. Во разговор со Никола Врдољак од агенцијата 404, тој откри како го започнал својот стартап и што мисли за вештачката интелигенција која ќе го промени светот на бизнисот.
Мислав, кој со вештачка интелигенција се занимава речиси две децении, истакнува дека на почетокот на стартапот било исклучително тешко да се справи со нешто што многумина не го разбираат. Тогаш во Хрватска имаше само неколку стартапи, а знаењето за тоа го црпел од блогови.
„Сите нѐ сметаа за луди на некој начин. Се сеќавам како мојата околина тогаш дојде и ме праша зошто не работиш? Имаш две здрави раце, две здрави нозе, ти седиш дома и зборуваш дека работиш во некоја компанија, дека развиваш некои инвестиции, но ние всушност не гледаме ништо од тоа. Денес е веќе поинаку и имаш некоја поголема заедница. Тоа е огромна разлика во однос на ситуацијата пред пет години, но и понатаму не ни даваат некоја предност. Кога ќе пораснеш во Силиконската долина, тоа те исполнува со неверојатна самодоверба и мислиш дека си дел од најголемата нација на светот, дел од најдобрата заедница и веруваш дека сѐ е можно. Овде имате заедница која создава, но пошироката заедница не ја препознава како можност, бидејќи не се работи за неколку основачи кои прават чуда. Тоа е прашање и за медиумите што тоа го следат следат, но исто така и за традиционалните компании кои доаѓаат и велат, добро, јас ќе ти ја дадам првата работа“ – објаснува Мислав Маленица.
Пред само пет години младите најмногу сакаа да работат во државна служба, а денес голем број од нив сакаат да основаат сопствен стартап по завршувањето на средното образование. Во денешниот свет кој толку брзо се менува, начинот на размислување и приспособливоста кон промените се исклучително важни. Токму вештачката интелигенција е идеален пример за поместување на границите и промените, односно претставува еден вид платформа која овозможува редефинирање на тоа како бизнисите создаваат вредност за своите корисници. Технологијата на вештачката интелигенција е доволно зрела во овој момент што повеќе не е тема за научниците. Нејзината иднина е исклучиво во рацете на оние кои ќе осмислат деловен модел за тоа како да допрат до клиентот и како да го променат и да влијаат на неговото однесување.
Во стартапот Mindsmiths работат на технологија која ќе им овозможи на сите луѓе во светот да имаат некој до себе кој ќе ги советува и ќе им помогне да донесат добри одлуки, особено за клучните прашања како што се здравството, образованието или финансиите. Нивниот фокус е на современиот клиент и неговите желби, а денешниот модерен клиент е едноставно презаситен од сѐ и повеќе не чувствува способност да донесува одлуки. Mindsmiths сака да им помогне на компаниите да одржуваат врска со своите корисници, а моментално работат со најголемите во областа на малопродажбата, банките, телекомуникациите, но и со помали клиенти како болници и поликлиники.
Слушнете повеќе за почетоците на Мислав, неговиот стартап Mindsmiths и Хрватската асоцијација за вештачка интелигенција (CroAI) во новата епизода од втората сезона на SoMo Cast.
Овогодинешниот SoMoCast се реализира во соработка со стриминг платформата Voyo, а целата епизода на SoMoCast е достапна на платформите YouTube, Spotify, Deezer, Apple Podcasts и Google Podcasts.
Овогодинешното издание на SoMo Borac ќе се одржи на 17 ноември во Загреб, а сите новости за доделувањето на најважната дигитална награда во регионот можете да ги следите преку нивниот newsletter, на официјалната веб-страница, и преку профилите на Facebook, Instagram и LinkedIn.
